اسلام آباد۔25فروری (اے پی پی):اسلام آباد بہارہ کہو بائی پاس ءِ جوڑ بوھوکیں پلر ءِ شٹرنگ ءِ کپگ ءَ چہ یک مزور ءِ بیران بوتگ وھدیکہ ریسکیو ٹیمب آنی سئے مزور آناں ریسکیو کنگ بوتگ۔ شمبے ءِ روچ ءَ ضلعی انتظامیہ ءِ نیمگ ءَ چہ جاڑی بوتگیں ھال آنی رد ءَ اسلام آباد بہارہ کہو بائی پاس ءِ جوڑ بوھوکیں پلر ءِ شٹرنگ ءِ کپگ ءَ چہ اپسوزیگیں واکیہ ءِ بوتگ ۔ بہارہ کہو بائی پاس پلر ءِ بندگ ءِ واستہ شٹرنگ ءِ کار جاڑی اتنت کہ اناگہ ءَ شٹرنگ ءِ کپگ ءِ سبب ءَ مزور شٹرنگ ءِ چیر ءَ چیر تراتگ انت، ریسکیو ٹیمب ، اسٹنٹ کمشنر ، این ایل سی، ءُ ایندگر کمکی ٹیمب موہ ءِ سر ءَ ساڑی انت۔ ڈپٹی کمشنر اسلام آباد ءِ نگرانی ءَ ریسکیو کمکی کاروائی جا ڑی انت۔
