اسلام آباد۔ 24 فروری (اے پی پی) بنجائی وزیر جان جوڑی عبدالقادر پٹیل پارینے کہ حکومت الس نا راجی آسراتی آ یخین تخک، جان جوڑی نا بشخ اٹی اصلاحات ءِ پک کننگ ءِ، پولی کلینک ہسپتال نا ریڈیا لوجی ڈیپارٹمنٹ اٹی 128 سلائس سی ٹی سکین مشین نا خلنگ آن ناجوڑ آتا درمان اٹی گچینی بسنے۔ وزارت جان جوڑی آن جاری بیان نا رداٹ بنجائی وزیر پارے کہ پولی کلینک ہسپتال اٹی انقلابی گام گیج آتا چرجوئی برجاءِ۔ پولی کلینک ہسپتال نا ریڈیالوجی ڈیپارٹمنٹ اٹی 128 سلائس سی ٹی اسکین مشین نا خلنگ آن ناجوڑ آتا درمان اٹی گچینی بسنے۔ اوپارے کہ اسٹیٹ آف دی آرٹ تھری ڈی میمو گرافی مشین ءِ ہم انسٹال کرینن۔ پوسکن آ مشین نا سوب آن کینسر نا تشخیصی نظام اٹی بھاز گچینی بریک، سینہ نا کینسر نا اسکریننگ نا کمتی ءِ پورو کرینن۔ اوپارے کہ حکومت جاپان نا کمک اٹ 1.5 ٹیسلا ایم آر آئی سکینر نا خلنگ ءِ زوت ممکن کننگ اٹی ءِ، پولی کلینک ہسپتال نا ودکی نا کاریم جی3/1اٹی بناکرینے، ودکی نا کاریم مسہ سال انا تہہ ٹی پورو مریک، سرکاری ہسپتال آتا کارکڑد ءِ پین گچین کننگ کن سنبرینگوک اُن۔ اوپارے کہ آب اٹ و طبی آسراتی تا فراوانی ءِ پک کننگ کن پبی گام گیج کننگ انگ ءِ ، بنجائی ہسپتال آتے پوسکن آ وڑتتون ہم گرنچ کننگ کن غٹ تر وسیلہ غاتے کاریم اٹ اتنگ انگ ءِ، پمز و پولی کلینک ہسپتال اٹی ناجوڑ آتا بھاز رش ءِ۔ عبدالقادر پٹیل پارے کہ پولی کلینک ہسپتال سالانہ 40 لکھ آن زیات ناجوڑ آتے مفت طبی آسراتی نا فراوانی ءِ پک کننگ ءِ۔ بنجائی وزیر پارے کہ حکومت الس نا راجی آسراتی آ یخین تخک، جان جوڑی نا بشخ اٹی اصلاحات ءِ پک کننگ اُن۔ جان جوڑی نا بشخ اٹی گچینی آن بیدس راج انا شونداری ممکن اف، گچین و آب اٹ درمان الس نا حق ءِ۔
