اسلام آباد۔ 24 فروری (اے پی پی) پاک فوج انا 23 باسکی سرچ وریسکیو ٹیم ترکیہ ٹی 17 دے ئی ریسکیو آپریشن ءِ پورو کننگ آن پد وطن آ پدی سرمس۔ ترجمان این ڈی ایم اے نا رداٹ وزیراعظم نا پارت آ این ڈی ایم اے پاک فوج انا منظم ٹیم ءِ 6 فروری آ ترکیہ غا گدریفنگ نا بست وبند کریسس۔ ریسکیو 1122 نا 53 باسکی ٹیمءِ ترکیہ غا گدریفنگا۔ ریسکیو ٹیم نا وطن آ پدی بننگ آ بنجائی وزیر تعلیم رانا تنویر پاکستان اٹی ترکی نا سفیر و این ڈی ایم اے کمامدارآتے بخیر کرے۔ دارداٹ دود اٹی ترکیہ ایمبیسی و وزارت خارجہ نا آفیسر آک ہم اوار ئسر۔ ترکی نا سفیر پاک فوج انا ٹیم ءِ خراج تحسین پیش کرے۔ ترکیہ نا سفارت خانہ نا کنڈان پاک فوج انا ٹیم ءِ پھل آتا گل دستہ اس پیش کننگا۔ ترجمان نا رداٹ این ڈی ایم اے ترکیہ نا ڈیزاسٹر مینجمنٹ تنظیم آفاد تون پورو رابطہ ٹی ءِ۔ ترکیہ ءِ این ڈی ایم اے نا کنڈان ریلیف و بحالی نا سرجز آتیٹی کمک فراوان کننگک۔
