واشنگٹن۔ 24 فروری (اے پی پی) امریکہ پارینے کہ او دہشت گردی نا برخلاف پاکستان تون ءِہڑتوم آ ملک آتا نیام اٹ سوگو واپاری تعلقداری مستین نا نسبت زیات اہم ءِ۔ سعودی میڈیا نا رداٹ امریکی محکمہ خارجہ ناترجمان نیڈ پرائس پارینے کہ اونا ملک پاکستان تون اقتصادی و واپاری تعلقداری تے پین ودفنگ کن سنبرینگوک ءِ۔ اوپارے کہ نن سمجھنہ کہ امریکہ و پاکستان نا نیام اٹ سوگو واپاری تعلقداری مستین نا نسبت زیات اہم ءِ انتئے کہ او بھسکار نوکاپ نا اثرآتیان پیش تمنگ ءِ، پاکستان امریکہ نا کاروباری ادارہ غاتے پوسکن آ منڈی تسکان رسینگ کن زرکاری نا موقع فراوان کننگ ءِ و ننا پاکستان تون زرکاری ٹی اسہ سال اٹی 50 درسد ودکی مس۔ اومستی پارے کہ سمجھنہ کہ پاکستان تون ہڑتوم آ کنڈآتا واپار ءِ پین ودفنگ نا گنجائشت ساڑی ءِ ہرافتے ٹی توانائی ، کشاری ازباب، فرنچائزنگ، ریٹیل واپار وحوالکاری و رابطہ کاری نا ٹیکنالوجی کن کاریم اٹ اتوک آ ازباب آک خصوصی وڑاٹ اوار ءُ۔