اسلام آباد۔ 23 فروری (اے پی پی) وزیراعظم محمد شہباز شریف پارینے کہ ملک ءِ مون تروک اقتصادی مشکل آتا رداٹ سرکڑدہ غاتا تینٹ تینا مثل ءِ پیش کرسا کفایت شعاری نا گام گیج آتا کمک اٹ الس تون یکجہتی نا درشانی ءِ کننگ و الس آ تموک آ بھاریم ءِ تینٹ ہم ہرفنگ ننا حکومت نا طرہ امتیاز ءِ۔ پنچ شنبے نادے آ تینا ٹویٹ اٹی وزیراعظم پارے کہ ملک اجتماعی کوشست آتا کمک اٹ ساڑی آ تنکی کیفیت آن پیش تمنگ کیک۔ اوپارے کہ کفایت شعاری نا گام گیج ہرافتا بنا ءِ کابینہ نا باسک آتا تینا تنخواہ و آسودہی تیان رضاکارانہ دزکش مننگ آن مننگ ءِ نا کمک اٹ قومی خزانہ ءِ سالانہ 200 ارب روپئی نا بچت مریک۔ وزیراعظم سیوتی جماعت آتا دا چرجوئی ٹی مخ تفی ءِ کننگ آ منت واری ءِ ہرفے۔ وزیراعظم پارے کہ او کفایت شعاری نا گام گیج آتیا عملدرآمد نا تینٹ چاروکی ءِ کیک۔
