اسلام آباد۔ 23 فروری (اے پی پی) اسپیکر قومی اسمبلی راجہ پرویز اشرف اسرائیلی فوج انا سم کاری آن 11 کودک فلسطینی تا شہید کننگ نا ترند انگا لوز آتیٹی مذمت ءِ کرینے۔ پنچ شنبے نادے آ تینا مذمتی بیان اٹی او پارے کہ اسرائیلی فوج انا جارحیت آن 11 کودک فلسطینی تا شہیدی و 102 بندغ آتا ٹھپی مننگ نا اخس کہ مذمت ءِ کننگے کم ءِ ، کودک فلسطینی تیا اسرائیلی فوج انا ظلم و بربریت جہانی کانود آتا بھلا خلاف ورزی ءِ ، انسانی حق انا جہانی تنظیمک کودک فلسطینی تیا اسرائیلی فوج انا جارحیت نا نوٹس ءِ ہلیر، پاکستان نا پارلیمان و الس فلسطینی الس تون پورو یکجہتی نا درشانی ءِ کیک، پاکستان غٹ علاقائی و جہانی فورم تیا مظلوم فلسطینی الس نا سفارتی و اخلاقی مخ تفی ءِ برجاتخک۔ اسپیکر قومی اسمبلی شہید آتا درجہ غاتا بڑزی و ٹھپی تا زوت دراخ جوڑی کن دعا کرے و زہمی خاہوت آتون ہمدردی نا درشانی ءِ کرے۔
