پاک ، امریکہ ساڑی آ واپاری حساب وکتاب ہڑتوم آ ملک آتا نیام اٹ ساڑی حقی لائخی تا ڈیک ءِ تفک، سید نوید قمر

اسلام آباد۔ 23 فروری (اے پی پی) بنجائی وزیر واپار سید نوید قمر پارینے کہ پاک، امریکہ ساڑی آ واپاری حساب وکتاب ہڑتوم آ ملک آتا نیام اٹ ساڑی آ حقی واپاری لائخی تا ڈیک ءِ تفک، امریکی زرگزران نا کچ و پاکستان اٹی اسہ بھلو و متحرک مڈل کلاس اسے تون اسہ بھاز بھلو مارکیٹ اس ساڑی ءِ ۔ بنجائی وزیر واپار سید نوید قمر کم و ود 8 سال انا وقفہ غان پد پاکستان۔ امریکہ واپاری زرکاری فریم ورک ایگریمنٹ (ٹیفا) نا وزارتی دیوان نا بحالی نا ستاءِ کرسا اودےپاک۔ امریکہ تعلقداری نا مرکز مننگ نا سوب  ہڑتوم آ کنڈآتا واپاری تعلقداری تے ودفنگ کن اہم گوندانے۔ پنچ شنبے نادے آ بنجائی وزیر واشنگٹن اٹی پاکستانی سفارت خانہ ٹی امریکی نمائندہ خصوصی واپار و کاروباری امور دلاور سید تون اوڑدہی  کرے ہراٹی پاک امریکہ ہڑتوم آ کنڈآتا واپار ءِ ودفنگ نا وڑوڈول و ذریعہ غا گپ وتران کرے۔ دلاور سید تون اوار ، پرنسپل ڈپٹی اسسٹنٹ سیکرٹری الزبتھ ہورسٹ و ڈپٹی اسسٹنٹ سیکرٹری پاکستان برائن جے میک گراتھ و جیف روبنسٹین ئسک ہم ساڑی ئسر۔ اوڑدہی ٹی پاکستان نا امریکہ ٹی سفیر مسعود خان ، سیکرٹری واپار محمد صالح احمد فاروقی، سیکرٹری زرکاری بورڈ اسد گیلانی  وٹریڈ منسٹر عظمت محمود وزیرواپار نا کمکاری ءِ کریر۔ وزیر واپار ٹیفا وزارتی دیوان اٹی بشخ ہلنگ کن واشنگٹن ڈی سی نا دورہ ءِ کننگ اٹی ءِ ہرا جمعہ نادے آ اڈ ہلیک۔ ٹیفا نا آخیریکو وزارتی دیوان 2016 ء ٹی اسلام آباد اٹی مسوسس۔