اسلام آباد۔ 22 فروری (اے پی پی) وزیرخارجہ بلاول بھٹو زرداری اسہ دے ئی دورہ غا ہنگری آ سرمس۔ چار شنبے  نادے آ دفترخارجہ نا رداٹ ہنگری ٹی پاکستان نا سفیر آصف حسین میمن و ہنگری نا بڑزکو کمامدارآک وزیرخارجہ ءِ بخیر کریر۔ بلاول بھٹو زرداری دورہ ٹی تینا ہم منصب تون اوڑدہی کیک۔ وزیرخارجہ بلاول بھٹو زرداری و ہنگری نا وزیر خارجہ نا نیام اٹ اوڑدہی ٹی ہڑتوم آ کنڈآتا تعلقداری تا جاچ ءِ ہلنگک ۔ ہڑتوم آ وزیرخارجہ غاک پاکستان وہنگری نا نیام اٹ کمکاری نا یات داشت آتیا دستخط ہم کیرہ۔ وزیرخارجہ ہنگری نا سفیر آتا سالانہ کانفرنس آن ہم تران کیک۔ بلاول بھٹو زرداری پاکستان اٹی کاریم کروک آ ہنگری نا کمپنی تا نمائندہ غاتون ہم اوڑدہی کیک۔ دا پاکستانی وزیر خارجہ سے نا کنڈان  ہنگری نا دا اولیکو سرکاری دورہ ءِ۔

متعلقہ مضامینمصنف کی طرف سے مزید