اطالوی کمپنیک پاکستان اٹی ساڑی زرکاری و کاروباری وارخواہی تیان فائدہ ہرفر، چیئرمین سینیٹ محمد صادق سنجرانی

اسلام آباد۔ 21 فروری (اے پی پی) چیئرمین سینیٹ محمد صادق سنجرانی پارینے کہ پاکستان و اٹلی نا نیام اٹ خوشگوار تعلقداری جوڑ ءِ، اطالوی کمپنیک پاکستان اٹی ساڑی زرکاری و کاروباری وارخواہی تیان فائدہ ہرفر۔ داخیال آتا درشانی ءِ او پاکستان اٹی اٹلی نا سفیر اینڈ ریاس فیراریز تون گپ وتران کرسا کرے ہرا سے شنبےنادے آ داڑے اوڑتون اوڑدہی کرے۔ اوڑدہی ٹی تین پہ تینی است خواہی نا امور تون اوار جم علاقائی حالیت آتیا گپ وتران کننگا۔ اوڑدہی ٹی ہڑتوم آ ملک آتا نیام اٹ واپاری و اقتصادی رتعلقداری تے پین مون آ دننگ آ امنا کننگا۔ داوخت آ چیئرمین سینیٹ پارے کہ ہڑتوم آ ملک آتا نیام اٹ خوشگوار تعلقداری ءِ۔ اطالوی  کمپنیک پاکستان اٹی ساڑی زرکاری و کاروباری وارخواہی تیان فائدہ ہرفر۔ پاکستان اٹلی تون تعلقداری تے خاص اہمیت ایتک۔ اوپارے کہ اٹلی آن اقتصادی کمکاری تون اوار چندی بشخ آتیٹی تعلقداری تے گچین کننگ نا خواہندار ءِ۔ اطالوی سفیر علاقائی سوگوی کن پاکستان نا کڑد انا ستاءِ کرے۔ اوپارے کہ پاکستان تون سفارتی کمکاری ٹی پین گچینی کن تینا پبی کڑد ءِ ادا کیوہ۔