اسلام آباد۔20فروری (اے پی پی):ورلڈ مینارٹیز الائنس ءِ کنوینر ءُ پیسریگیں وزیر برائے گہبود جے سالک ءَ گوشتگ کہ آ پیسریگیں اریکی صدر جارج واشنگٹن ءِ پینٹنگ ءِ نماش ءُ لیلامی ءِ گوما میاں اوستمانی نیک راھ آنی وت مہ وتی نزیکی کانفرنس ءِ بنگیج ءَ کن انت تانکہ آ وتی راج ءُ بنی آدم آنی واستہ ازمت آناں توسیپ ءُ ستا پیش کنگ بہ بیت۔ امریکہ ءَ جارج واشنگٹن ءِ یوم ءِ پیدائش فروری ءِ سیمی دو شمبے ءَ برجم دارگ بوھگ ءَ انت۔ اے پی پی ءِ گوما واشنگٹن ڈی سی ءَ گوں ٹیلی فونک تران کنان ءَ جے سالک ءَ گوشت کہ آئی ءِ برات ءِ نیمگ ءَ چہ جوڑ کتگیں پورٹریٹ ءَ کیتھولک چرچ ءِ سروک پوپ فرانسس، کینٹربری ءِ آرچ بشپ جسٹن ویلبی ، پیسریگیں امریکی صر ابرابام لنکن، جارج واشنگٹن مارٹن لوتھر کنگ جونیئر، امام کعبہ عبدالرحمٰن السدیس، ءُ کوئین آف ویلز لیڈی ڈیانا ءَ ھوار میاں اوستمانی بامرد آنی پورٹریٹ ھوار انت۔ اے پورٹریٹ اے نامداریں ءُ شرپ مندیں بامرد آنی کوشست آنی نیمگ ءَ سروک ءُ الس آنی نیمگ ءَ دلگوش دیگ ءَ کمک کنت۔ جے سالک ءَ گوشتگ کہ اے پورٹریٹ بنی آدمی یکوئی ءِ مول ءُ مراد آ نی واستہ چندہ جم کنگ ءِ واستہ لیلام کنگ بنت۔ ڈبلیو ایم اے ءِ کنوینر ءَغ وشت کہ اے گامگیج آنی مول ءُ مراد، چاگرد ءِ پشمندگیں ءُ بزگریں مردم آنی کمک ءِ واستہ فنڈ آنی بست ءُ بند کنگ انت۔ آئی ءَ گوشت کہ جارج واشنگٹن ءِ پرسنارلٹی ءِ امریکی چاگرد ءِ ھوالگ ءَ جھلانکیں سسا ءُ لیکہ است ءُ آئی ءِ پیٹنگ آنی نماش آنی گوما میاں اوستمانی نیک راھی گامگیج آنی بنگیج ءَ کنگ ءَ انت۔ جے سالک ءَ گوشت کہ آئی ِ کرا کساس 25 ھاسیں آئل پینٹنگز است ایش بزگیں برات ءُ ازمکار مارکس سالک ءَ جوڑ کتگ انت۔ آئی ءَ جمہوریت ، درئی نیک راھ آنی منوک آںی ھک آنی واستہ جہد ءُ کوشست ءُ نیک راھی یک ءُ دگر ءُ نزیکی ءِ وکالت کتگ۔ نماش ءِ ھوالگ ءَ ھیال ریچی کنان ءَ آئی ءَ گوشتگ کہ میاں اوستمانی نیک راھ آنی وت مہ وتی نزیکی ءِ بابت ءَ یک ٹوھیں کانفرنس ءِ برجم کنگ ءِ ارادہ ءِ دار ائیت۔ بازیں روبرکتی چاگرد آنی مانرٹی راج آنی ھلاپ ءَ جنگ ءُ چوپ سک باز نہ وشیں تک ءَ سر انت۔ آئی ءَ گوشت کہ و تی 47 سالی دراج بریں کیرئیر ءَ بنی آدمی ھک آںی واستہ جہد ءُ کوشست آنی ساھت ءَ آئی ءَ ابید دگہ تژن ءُ بھتام ءِ گوما درستانی واستہ ھمکچیں ھک آنی دیمپانی کتگ۔ آئی ءَ گوشت کہ واشنگٹن ءَ گوانک جتگیں کانفرنس ءَ جتا جتائیں نیک راھ آنی سروک آناں یک پلیٹ فارمے ءَ توار جنگ بہ بیت تانکہ بنی آدم آنی گوما یکوئی ءِ درشان بوت بہ کنت۔
