اسلام آباد۔ 20 فروری (اے پی پی) چین اٹی پاکستان نا سفیر معین الحق پارینے کہ چین پاکستان انٹرنیشنل انڈسٹری ایجوکیشن کوآپریشن الائنس انیشیٹو نا بناءِ کننگانے، چینی کاروباری ادارہ غاتا اسہ بھلو کچ اس داوڑنا ڈٹ آتیا پاکستان اٹی کاریم کننگ ءِ۔ داخیال آتا درشانی ءِ او چائنا ایجوکیشن ایسوسی ایشن فارانٹرنیشنل ایکسچینج و تانگ انٹرنیشنل ایجوکیشن گروپ و بیجنگ اٹی پاکستانی سفارت خانہ نا مہمانداری ٹی 23 می چائنا سالانہ کانفرنس و ایکسپو جہانی تعلیم سیمینار اس اڈتننگا۔ اوپارے کہ اوفتے کسبکار لیبر فورس انا گرج ءِ، ساڑی ہی ٹی کنے چین نا شار شینزین اٹی گڑاس بھلا پن تا دورہ ءِ کننگ نا موقع ملا و ای اوفتا اختراع آن زہمی مسٹ۔ سخت خواری، و مخلوق نا تربیت آ چکار کننگ اٹی ءُ۔ چین اے آئی، کمپیوٹنگ ، آئی او ٹی، و بگ ڈیٹا ٹی جہانی راہشون تیان اسٹ اسے نا وڑاٹ مون آ بسنے۔ نن پاکستان اٹی چین نا سرسہبی تا تقلید ءِ کننگ خوانہ۔ اومستی پارے کہ نن چین و پاکستان کن صنعتی و تعلیمی معلومداری تا ہل و تس، سرسہبی تا کِسہ شیئر کننگ، و چندی پروگرام تیٹی اواری اٹ کاریم کننگ کن اسہ ہڑتوم آ کنڈآتا پلیٹ فارم اس جوڑ کننگ خوانہ تانکہ پاکستان نا ورناتے واکدار کننگ مرے، روزگار ءِ مون آ دننگ مرے۔ خصوصی اقتصادی زون تا تفنگ و پاکستان نا برآمد آتے ودفنگ اٹ کمک ءِ کننگ مرے۔
