اسلام آباد۔ 20 فروری (اے پی پی) شعبان المعظم 1444ھ نا نوک ءِ ہُننگ کن رویت ہلال کمیٹی نا دیوان پگہ(سے شنبے ) نادے آ مریک۔ مرکزی رویت ہلال کمیٹی نا چیئرمین مولانا سید محمد عبدالخبیر آزاد اسلام آباد زونل رویت ہلال کمیٹی نا دیوان نا کماشی ءِ کیک وخت اس کہ مچ آ ملک اٹی زونل و ضلعی رویت ہلال کمیٹی تا دیوان تینا تینا تعلقدار ہند آتیا مریک۔ نوک ءِ خننگ یا خنپننگ نا بابت مچ آ ملک آن دوئی مروک آ شاہدی تے مون آ تخسا پڑو مرکزی رویت ہلال کمیٹی نا چیئرمین کیک۔ اسلام آباد نا زونل رویت ہلال کمیٹی نا دیوان وزارت مذہبی امور کوہسار کمپلیکس اٹی مریک۔
