انقرہ۔ 20 فروری (اے پی پی) ترکیہ و شام اٹی زمی جمب نا سوب آن مرک آتا کچ ودسا 46 ہزار مسنے۔ سعودی میڈیا نا رداٹ ترکیہ ٹی 3 لکھ 45 ہزار اپارٹمنٹ بھس مسنو وخت اس کہ مرک آتا کچ اٹی ہم ودکی نا گڑتی ظاہر کننگ انگ ءِ۔ ایلو کنڈا شام انا بے چیٹ علاقہ غاتیٹی ہم مرک آتا کچ ودنگ ءِ۔ اقوام متحدہ نا ذیلی ادارہ ورلڈ فوڈ پروگرام خواست کننگ ءِ کہ شام اٹی جنگ بندی کننگے تانکہ کمکی سرجز آتیٹی مشکل مف۔ داوخت آ ترکیہ ٹی مرک آتا کچ 40 ہزار 642 وخت اس کہ شام اٹی 5 ہزار 800 آن گدرینگانے۔ داکان مست اقوام متحدہ ترکیہ نا زمی جمب آن زہمی تا کمک کن اسہ ارب ڈالر امداد نا خواست کریسس۔ اقوام متحدہ نا سیکرٹری جنرل انتونیوگوتریس اسہ بیان اسے ٹی پاریسس کہ دا فنڈ آک 52 لکھ بندغ آتے مسہ تُو اکن کمک فراوان کیرہ۔
