اسلام آباد۔ 19 فروری (اے پی پی) وزیر حوالکاری و شینکاری مریم اورنگزیب پارینے کہ مسلم لیگ (ن) داسہ بیرہ فارن ایجنٹ و توشہ خانہ دُز انا برخلاف مہم چلیفنگ ءِ، عمران خان صاحب دا بیان تننگ کن بھاز انگا بے شرمی درکار مریک، عدلیہ ناتمسخر و تضحیک ہرادے نی کننگ اُس اونا دُرور ملیپک، عدلیہ غان کرینگ دھڑکو و دھونس آن ہڑدے بیل نی ہلیسہ۔ یک شنبےنادے آ تینا بیان اٹی اوپارے کہ ایت(ن) لیگ داسہ بیرہ نے و نا کمکار آتے بے نقاب کننگ نا مہم اس چلیفنگ ءِ، (ن) لیگ داسہ بیرہ پاکستان نا زرگزران ءِ خورک کننگ و الس ءِ بے روزگار کروک آ کڑد آتا برخلاف مہم چلیفنگ ءِ۔ اوپارے کہ مسلم لیگ (ن) داسہ بیرہ فارن ایجنٹ و توشہ خانہ دُز انا برخلاف مہم چلیفنگ ءِ، مسلم لیگ (ن) داسہ بیرہ ملک انا برخلاف سازش کروک آتا برخلاف مہم چلیفنگ ءِ۔
