اسلام آباد۔18فروری (اے پی پی): بنجاھی وزیر برائے موسمی مٹ ءُ بدلی سنیٹر شیری رحمان ءَ کراچی پولیس چیف ءِ کارگس ءَ ناشرکاری ارش ءَ ر ا مذمت کتگ۔ شمبے ءِ روچ ءَ وتی بیان ءَ بنجاھی وزیر ءَ ارش ءَ شہید بوھوکیں مردم آنی گس ءِ مردم آنی گوما یکوئی ءِ درشان کت۔ آئی ءَ ارش ءَ چہ ٹپیگ بوتگیں کارندہ آنی زوت جان سلامتی ءِ واستہ دعا ءِ نیک کت۔ سنیٹر شیری رحمان ءَ گوشت کہ پولیس ءُ رینجرز آناں سلام پیش کناں آئی ءَ آپریشن ءِ تہ ءَ بھر زوری کتگ۔ سندھ پولیس ءُ رینجرز آناں جوانیں کاروائی کنگ ءُ ارش ءَ را ناکام کنان ءَ ٹوھیں تاوان ءَ چہ رکھینتگ۔ آئی ءَ گیش گوشت کہ ناشرکاری ءِ یک لگوریں ارشے ء چہ راج ءِ دلیری ڈگار جنگ بوت کنت، شیری رحمان ءَ گوشت کہ سرجمیں راج ناشرکاری ءِ ھلاپ ءَ تپاک ءُ پت اِنت۔
