اسلام آباد۔18فروری (اے پی پی): مزن وزیر شہباز شریف ءَ کراچی پولیس چیف ءِ کارگس ءَ ناشرکاری ءِ ھلاپ ءَ کامیاتیں آپریشن ءِ پد ءَ سیکورٹی فورسز ءَ را توسیپ ءُ ستا پیش کتگ ءُ ناشرکاری ءِ ھلاپ ءَ کاروائی ءَ شہید بوھوکیں مردم آناں توسیپ ءُ ستا پیش کنان ءَ آپریشن ءَ شہید بوھوکیں دو پولیس، یک رینجر ءِ کارندہ ءُ یک سویلین ءِ گسءِ مردم آں گوں یکوئی کتگ۔ مزن وزیر ءَ آپریشن ءَ شہید مردم آنی واستہ پیکج ءِ جار جنان ءَ سئیں ارد، ریجنرز، پولیس ءَ ھوار یکجائی آپریشن ءَ فورسز ءَ کزبی ازمکاری ءِ درشان کتگ ، آپریشن تیاری، پولیس ءِ جتا جتائیں گیشی ءِ پد ءَ زوتیں دلگوش دیگ لوٹ ائیت، ناشرکاری ءِ ھلاسی ءِ واستہ سرجمیں زور ءُ یکجائی کار ءَ را کارمرز کنگ لوٹ ائیت۔ مزن وزیر ءَ ٹپیگ آناں گہتریں آسراتی پجاری کنگ ءِ پنت ءُ شون کت۔ مزن وزیر ءَ شہید آنی درجگ ، پشمندگ آنی واستہ سگ ءُ اوپار ءُ ٹپیگ آنی زوت جان سلامتی ءِ دعا کت۔
