اسلام آباد۔17فروری (اے پی پی):ڈائریکٹوریٹ جنرل پبلک ریلیشنز (ڈی جی پی آر) لاہور ءِ یک ڈلے ءَ ڈائریکٹر الیکٹرانک میڈیا رانا سہیل ءِ سروکی ءَ ڈائریکٹوریٹ آف الیکٹرانک میڈیا اینڈ پبلیکیشنز ڈیمپ ، وزارت ءِ اھوالکاری ءُ شنگ کاری ، اسلام آباد ءِ تر ءُ تاب کت۔ جاڑی بوتگیں پریس ریلیز ءِ رد ءَ اے موہءَ ا لیکٹرانک میڈیا مانیٹرنگ ءِ نوکیں نظام ءُ کار رپک ءِ بابت ءَ سرجمیں ھیال ریچی کت ءُ الیکٹرانک میڈیا مانیٹرنگ ءِ ھوالگ ءَ تکنکیی کار ءُ تجروبت آنی ھوالگ ءَ ھیال ریچی کنگ بوت۔ ایگزیکٹو ڈائریکٹر جنرل ڈیمپ ڈاکٹر طارق محمود ء ڈجی جی پی آر ءِ ڈلءَ را ڈائریکٹوریٹ آف الیکٹرانک میڈیا اینڈ پبلیکیشنز ءِ بابت ءَ بریفنگ دات۔ اےموہءَڈائریکٹر ڈیمپ نگہت احسن ، ڈائریکٹر انفارمیشن ڈی جی پی آر راولپنڈی محمد اویس، ڈپٹی ڈائریکٹر آئی ٹی شاہد نواز ءُ انفارمیشن اپسرگ ظہیر احمد ھم ساڑی ات۔ ایگزیکٹو ڈائریکٹر جنرل ڈیمپ ڈاکٹر طارق محمود ءَ گوشت کہ الیکٹرانک میڈیا ءِ مانیٹرنگ السی تک ءَ سرپدی ءُ حکومتی پالیشی آنی نیام ءَ روگ ءُ آیگ آنی گیش کنگ ءِ واستہ المی انت چیا کہ وھد ءِ گوما میڈیا چینلز آنی پائیدگ ءُ السی تک ءَسہرائی ءَ گیش گیشی بوتگ۔ آئی ءَ گوشتگ کہ وزارت ءِاھوالکاری ءُ شنگ کاری ءِ ادارگ ڈیمپ ءَ راجی الیکٹرانک ل چینلز آنی 24 کلاک آنی سئے شفٹ آںی مانیٹؑرنگ کنگ بیت۔ آئی ءَ گوشت کہ میاں اوستمانی ٹی وی چینلز آنی مانیٹرنگ ءِ ھوالگ ءَ ھم یک منصوبگے ءِ سر ءَ کار کنگ بوھگ ءَ انت تانکہ پاکستان ءِ ھوالگ ءَ یک شلیں ءُ ملکی ءُ درئی پالیشی آنی ھوالگءَ ھرچی مواد نشر کنگ بیت ایشی ءِ ھوالگ ءَ سرپدی در جنگ بوت بہ کنت۔ ڈائریکٹر ڈیمپ نگہت احسن ء الیکٹرانک میڈیا مانیٹرنگ ءِ ھوالگءَ ڈی جی پی آر ءِ کار رپک ءُ رھبند آناں ساڑات ءُ گوشت کہ حکومت ءِ پنجاپ ءُ بنجاہ ءِ نیام ءَ الیکٹرانک میڈیا ءِ مانیٹرنگ ءِ ھوالگ ءَ یک شلی ءَ ر ابطہ ارزشتی ایں گامگیج ات۔ ڈی جی پی آر ءِ ڈائریکٹر الیکٹرانک میڈیا رانا سہیل ءَ گوشت کہ ڈی جی پی آر پاکستان ءِ درستاں چہ مستریں صوبائی بنیات انت ءُ یک ٹوھیں آباتی ء ِ صوبگ ءَ الیکٹرانک میڈیا چینلز آنی مانیٹرنگ ءِ کار ءَ را جوانی ءَ گوں پیلو کنگ ءَ انت۔ آءیءَ گوشت کہ ڈی جی پی آر ءَ ناں ایوک ءَ چینلز آنی سر ءَ شنگ ءُ تالان بوھوکیں ھال آنی مانیٹرنگ ءَ کنگ بلکینگ ءَ ٹاک شوز آنی ھم بن گپ آنی ھوالگءَ چا ر ءُ تپاسی گپت۔ آئیءَ گوشت کہ الیکٹرانک میڈیا ءِ مانیٹرنگ ءِ بابت ءَ نوکٰں ٹیکنالوجی ءُ سکلز آنی بابت ءَ سکھگ ءِ بازیں موہ است انت۔
