اسلام آباد۔ 17 فروری (اے پی پی) بنجائی وزیر حوالکاری و شینکاری مریم اورنگزیب پارینے کہ وزیراعظم شہباز شریف اینو(جمعہ نادے آ) ترکیہ ٹی زمی جمب آن زہمی علاقہ غاتا دورہ ءِ کیک و ترکیہ ٹی آدیامان شار اٹی پاکستان نا کنڈان مون تروک آ کمکی آ گڑاتا ترکیہ غا سرمننگ نا جاچ ءِ ہلیک۔ جمعہ نادے آ تینا ٹویٹ اٹی اوپارے کہ وزیراعظم پاکستان نا ریسکیو و ریلیف ٹیم تتون اوڑدہی کیک و برجا ریسکیو آپریشن نا جاچ ءِ ہلیک۔ وزیراعظم آدیامان یونیورسٹی ٹی زمی جمب آن زہمی تتون اوڑدہی کیک و اوفتا کمک کن جوڑ سینٹر نا دورہ ءِ کیک۔ اوپارے کہ وزیراعظم ہموڑے ترک وزیر و کمامدارآتون اوڑدہی کیک ہراڑے اودے برجا کمکی سرجزآتیا سرجمی اٹ حوال تننگک۔
