انقرہ۔ 17 فروری (اے پی پی) وزیراعظم محمد شہباز شریف اینو(جمعہ نادے آ) ترکیہ ٹی زمی جمب آن زہمی علاقہ غاتا دورہ ءِ کیک۔ وزیراعظم آفس نا میڈیا ونگ آن جاری بیان نا رداٹ وزیراعظم اینو ترکیہ نا شار آدیامان اٹی پاکستان نا کنڈان گدریفوک آ کمکی گڑاتے ترک کمامدارآتا دوٹی ایتک۔ وزیراعظم آدیامان اٹی پاکستان نا ریسکیو و ریلیف ٹیم تتون اوڑدہی کیک و برجا ریسکیو آپریشن نا جاچ ءِ ہلیک۔ اوکان پد وزیراعظم آدیامان یونیورسٹی ٹی زمی جمب آن زہمی تتون اوڑدہی کیک و اوفتا کمک کن جوڑ سینٹر نا دورہ ءِ کیک۔ وزیراعظم شہباز شریف ترک و زیر و کمامدارآتون اوڑدہی کیک ہراڑے اودے برجا کمکی سرجزآتیا سرجمی اٹ حوال تننگک۔

متعلقہ مضامینمصنف کی طرف سے مزید