پاکستان نا حکومت و الس نا کنڈان تینا تریک ایلم و ایڑھ تے یکجہتی و اخوت نا کلہو اس تننگ کن ترکیہ غا ہِننگ اٹی اُٹ، وزیراعظم شہباز شریف

اسلام آباد۔ 16 فروری (اے پی پی) وزیراعظم محمد شہباز شریف پارینے کہ او پاکستان نا حکومت و الس نا کنڈان تینا تریک ایلم و ایڑھ تے یکجہتی و اخوت نا کلہو اس تننگ کن ترکیہ غا ہِننگ اٹی ءِ۔ پنچ شنبے  نادے آ تینا ٹویٹ اٹی وزیراعظم پارے کہ پاکستان و ترکیہ نا الس دُن تو اِرا جتا ریاست آتا شاری ولے اسہ قوم اسے آنبار یکجان و یک قلب ءُ ، و نن اوفتا نسخان ءِ تینا نسخان تکنہ۔ وزیراعظم پارے کہ ترکیہ و شام اٹی زمی جمب آن مروک آ بھسکاری تون اسہ حکومت اس ہم تنیا مون تِننگ کپک۔ ہراکہ ملک مرے او اخس کہ وسیلہ غاتیان شُپ مرے، داخہ بھلو کچ اسے آ مروک آ بھسکاری نا مقابلہ ءِ تنیا کننگ کپک۔ اوپارے کہ وخت بسنے کہ دنیا انسانیت نا مشکل و تکلیف آتا ایسری کن کمکاری ءِ ودفے۔