اسلام آباد۔ 16 فروری (اے پی پی) بنجائی وزیر تخفیف غربت و راجی رکھ و چیئرپرسن بی آئی ایس پی شازیہ مری پارینے کہ پاکستان اٹی لائخ آ ورناتا ہچ ءُ کمتی اس اف ، ملکی ویل آتا ایسری جمہوریت نا چرجوئی ءِ۔ بنجائی وزیر داہیت انا درشانی ءِ ترکیہ نا سی ایم او سمٹ آن تران کرسا کرے۔ اوپارے کہ تدوک آ حکومت پاکستانی زرگزران ءِ بھاز بے وڑ بھس کرے، تدوک آ حکومت نا پالیسی تیان کاروبار ءِ نسخان مس۔ اوپارے کہ پاکستان اٹی لائخ آ ورناتا ہچ ءُ کمتی اس اف، پاکستان بھاز زوت غٹ تنکی تا مون ءِ تورک، ملکی ویل آتا ایسری جمہوریت نا چرجوئی ءِ۔ ہر اسٹ ءِ انفرادی وڑاٹ جوان کننگ و سجفوئی مریک۔ اوتینا تران اٹی بی آئی ایس پی نا گرج و مسخت آتا بارواٹ ہیت کرسا پارے کہ بے نظیر انکم سپورٹ پروگرام (بی آئی ایس پی ) پاکستان نا 90 لکھ حقدار زالبول آتے مالی کمک فراوان کیک ، دا پروگرام راجی رکھ انا گچین ءُ پروگرام اسے۔
