بنجائی وزیر قومی جان جوڑی عبدالقادر پٹیل نا شام انا سفیر تون اوڑدہی، زمی جمب اٹی جانی و مالی نسخان تیا است ہسونی نا درشان

اسلام آباد۔ 16 فروری (اے پی پی) بنجائی وزیر قومی جان جوڑی عبدالقادر پٹیل شام انا سفیر رمیز الراعی تون اوڑدہی ٹی زمی جمب آن مروک آ جونی و مالی نسخان تیا است ہسونی نا درشانی ءِ کرسا پارینے کہ پاکستان نا حکومت و الس مشکل نا داساہت اٹی تینا زہمی ایلم و ایڑھ تتون تفوک ءُ۔ پنچ شنبے  نادے آ وزارت جان جوڑی نا کنڈان جاری بیان نا رداٹ بنجائی وزیر شام انا سفیر تون اوڑدہی کرے و ترکیہ و شام اٹی زمی جمب نا بابت ہمدردی نا درشانی ءِ کرے۔ وزیر جان جوڑی پارے کہ اونا ہمدردیک زہمی خاہوت آتون ءُ، و نن مشکل نا داساہت اٹی ترکیہ و شام اتون تفوک اُن۔ اوپارے کہ وزارت جان جوڑی نا کنڈان ڈاکٹر آتا 10باسکی ٹیم شام اٹی زہمی تا درمان اٹی لگوک ءُ۔