واشنگٹن۔ 16 فروری (اے پی پی) متحدہ عرب امارات نا وزیر خارجہ شیخ عبداللہ بن زاید امریکی ہم منصب انٹونی بلنکن و سینیٹ نا چندی باسک آتون اوڑدہی کرے و تین پہ تینی است خواہی نا چندی امور و ہڑتوم آ کنڈاتا شریداری نا مون آ دننگ نا گمان تیا گپ وتران کرے۔ سعودی خبررساں ادارہ امارات نیوز ایجنسی (وام ) نا بابت پارے کہ واشنگٹن ڈی سی ٹی امریکی وزیرخارجہ تون اوڑدہی ٹی متحدہ عرب امارات نا وزیر خارجہ شیخ عبداللہ سلامتی، چاگڑدی بدلی، واپاری تبادلہ و زرکاری ٹی کمکاری ءِ سوگو کننگ نا وڑوڈول آتیا گپ وتران کرے ۔ ہڑتوم آ ک دے ٹک نیامی ٹی انتہاپسندی تون مون تننگ و معاہدہ ابراہیم ءِ مون آ دننگ کن تینااسیجائی کوشست آتے مون آ تخار۔ متحدہ عرب امارات ، بحرین، مراکش و سوڈان 2020اٹی امریکہ نا ثالثی ٹی ابراہیم معاہدہ آ دستخط کریسر و اسرائیل تون معمول نا تعلقداری تے استوار کریسر۔ امریکی محکمہ خارجہ نا ترجمان نیڈ پرائس پارے کہ ہڑتوم آ وزیر خارجہ غاک اسرائیل و فلسطین جھیڑہ ٹی ساڑی آ تُو تیٹی شدت آ ہم گپ وتران کریر و بیدادی ٹی پین ودکی ءِ توننگ و امن  ءِ بحال کننگ کن ممکنہ گام گیج آتیا گپ وتران کریر۔ اوزمی جمب آن زہمی ترکیہ و شام اٹی کمکی سرجزآتا جاچ ءِ ہم ہلکر۔ اوساف توانائی نا دوئی کننگ کن متحدہ عرب امارات و امریکہ نا نیام اٹ شریداری (پی اے سی ای) و یواے ای ٹی بروک آ چاگڑدی کانفرنس کوپ 28 نا اڈتننگ نا بابت امور آ سجفیر۔

متعلقہ مضامینمصنف کی طرف سے مزید