اسلام آباد۔15فروری (اے پی پی):کنوینئر ورلڈ مینارٹیز الائنس ء ُ پیسرگیں بنجاہی وزیر جولیس سالک ءَ میاں اوستمانی براتی ءِ سرءَ زو ر پِر داتگ کہ آ انسانیت ء ُ امنء ُ ایمی ءِ رکینگ ءِ ھاترءَ جنگءَ ابید ہم امن ء ُ ایمنی ءِ کوشستاناں برجاہ داریت۔ چارشمبے ءِ روچءَک وتی بیان ءِتہا جے سالک ءَ 1994 ءَ جنگ ء َ چہ آماچ بوتگیں بوسنیا ءِ وتی دورءِ ذکر کتگء ُ گشتگ کہ من بوسنیا ءَ شتگ ء ُ مسلمان ء ُ عیسائی آنی نیام ءَ مذہبی ہم آہنگی ءَ را گیش کنگ ءِھاترءَ کوشست کتگ، چیا کہ اے وہدءَ جنگ ءَ مسلمان آنی حون ریتکگ اَنت۔ جے سالک ءَ گشتگ کہ آ وہدءِ مزن وزیر شہید بانک بے نظیر بھٹو ءَ آئی ءَ چہ وتی ترء ُتاب مھتل کنگءِ دزبندی کتگ ، چیا کہ آ وہد ءِ پاکستان ءِ اقوام متحدہ ءِ امن ء ُایمنی مندوب جمشید مارکر ءَ آئی ءَرا حال داتگ کہ خطہ ءِ تہا مزنیں کساسے ءَ کستء ُ کینگءِ سوب ءَ چاگرد جوان نااِنت۔ من مزن وزیر ءَرا گشتگ کہ اگاں اے بوسنیا رؤگءِ کشکءَ اوشت مان کناں گڑا من وتی وزارتءَ چہ دستءَ کشاں۔ آئی ءَ گشتگ کہ مزن وزیر ءَ کروشیا ءَ پاکستان ءِ سفیر ءِ پکہ کنگءَ پد آئی ءَ را این او سی داتگ۔ کروشیا ءَ سفیر ءَ وتی رضامندی داتگ ء ُ مزن وزیر ءَ منءَ 20 دسمبر 1994 ءَ بوسنیا رؤگءِ اجازت داتگ۔ جے سالک ءَ حال داتگ کہ کروشیا سربوہگءَ پد ما کروشیا ءَ سفیر ءِ گوما چارٹر ڈیواین ءَ بوسنیا رہادگ بوتگ اَنت۔ پیسرگیں بنجاہی وزیر ءَ حال داتگ کہ دو پائلٹ، آئیءِ لوگی ءُ بچ ، سفیر ءُ یک جنین آدم صحافی بلٹ پروف جیکٹ ء ُ ہیلمٹ کارمرز کتگ ءُ اے چا رٹرڈ گراب ءَ سوار بوتگ اَنت۔ آئی ءَگشتگ کہ مئے گراب 17 روچاں پد بوسنیا ءِ بالی پڑءَ نندوکیں اولی گراب بوتگ ، چیا کہ ایشی ءَ چہ پیسر اقوا م متحدہ ءِ یک فوڈ گراب بمباری ءَ چہ تبا ہ بوتگ ء ُ اقوام متحدہ ءَ دگہ اے وڑیں گرابانی بال نادیئگ ءِ زھرشانی کتگ بوتگ۔ بلے مئے حاسیں دزبندی ءَ آ بوسنیا ءَ شتگ بوتگ چیا کہ ما دزبندی کتگ کہ ما 25 دسمبر ءَ امنء ُ ایمنی ءِ ھاترءَ سربوہگ لوٹاں۔ ما کہ آھودہ ءَ سربوتگ اَنت ہمک نیمگءَ تہاری بوتگ ء ُ بالی پڑ ءِ سرءَ ریک مُچ بوتگ۔ جے سالک ءَ گشتگ کہ ایشی ءَ پد ڈل ءَ یک ٹینک ءِ سرءَ سوار بوتگ ءُ بوسنیا ءِ شہرءَ چہ بوہان یک گرجا لوگے ءَ سر بوتگ کہ آھودہ بشپ عبابت کنگ ءَ بوتگ اَنت۔ وہدے کہ آیاناں حال دیئگ بوتگ کہ پاکستان ءِ بنجاہی وزیر جولیس سالک آیانی گوما یکوئی ءِ درشانی کنگءِ ھاترءَ سربوتگ کہ گڑا آیانی چم چہ آرس ءَ پُر بوتگ اَنت۔ آئی ءَگشتگ کہ ما جنگ ءِ ٹپیگیں زھگ ء ُ مردمانی ھال پُرسی کنگ ءِ ھاترءَ نادراہ جاہ ءَ سربوتگ اَنت۔ آئی ءَ گشتگ کہ من وتی کرسمس وزیر بوہگءِ ارزشتءَ بوسنیا ءِ زھگانی گوما گوازینت ء ُ دومی کرسمس کشمیری زھگانی گوما لڑءُباری کیمپ ءَ گوازینت۔ من وتی رب ءِ شکر گزار اوں کہ آئی ءَ دومی مردمانی سہارہ جوڑ بوہگ ءِ اے مولء ُ مراد ءِ ازمت کنگءِ منی کوشستانی ھاترءَ من ءَ بازیں شرپے داتگ۔ کنوینئر ڈبلیو ایم اے ءَ گشتگ کہ بالی پڑ دست ناکپتگ۔ گڑی ءَ یک مال بروکیں گرابے سر بوتگ کہ آئی ءِ تہا ورد ن ء ُ وراک ءِ سامان بوتگ اَنت۔ من گوں سفیر ءَ اے کارگو گراب ءِ تہا واتری ءِ سفر کتگ۔
