اسلام آباد۔ 15 فروری (اے پی پی) پاکستان مسلم لیگ (ن) نا ترجمان مریم اورنگزیب پارینے کہ پنجاب نا چندی ضلع غاتیان مسلم لیگ (ن) نا یوتھ ونگز انا عہدیدار آتا دیوان (اینو) چارشنبے نادے آ180 ایچ ماڈل ٹاؤن لاہور اٹی مریک، دیوان نا کماشی ءِ پارٹی نا سینئر نائب صدر و چیف آرگنائزر مریم نواز کیک۔ چار شنبے نادے آ تینا بیان اٹی مریم اورنگزیب پارینے کہ دیوان اٹی یوتھ ونگ، سوشل میڈیا نا تنظیمی پنجر نا جاچ ءِ ہلنگک۔ ورناتے مون تروک ویل و اوفتے کن سلا ہ ہلنگک۔ دیوان اٹی یوتھ ونگز انا عہدیدار ’’یوتھ چارٹر‘‘ نا تیاری کن تینا سلاہ تے ایترہ۔ اوپارے کہ دیوان اٹی یوتھ پالیسی آ سلابت تون اوار سوشل میڈیا نا کاریم اٹ اتنگ و ورناتا کڑد آ ہم سجفنگک۔ چیف آرگنائزر مریم نواز یوتھ ڈویلپمنٹ پالیسی کن پارٹی اولیت آتے بیان کیک۔
