انقرہ۔ 15 فروری (اے پی پی) ترکیہ و شام اٹی زمی جمب نا سوب آن مروک آ مرک آتا کچ 41 ہزار آن گدرینگانے۔ وخت اس کہ اسہ ہفتہ غان پد بھس مروک ماڑی تا کیرغ آن 9 بندغ ءِ زندہ کشنگانے۔ سعودی میڈیا نا رداٹ ترک صدر رجب طیب اردوان زمی جمب آن پد امنا کریسس کہ بناٹی دمدستی حکومتی ردعمل اٹی گڑاس ویل ئسر ولے داسہ حالیت آک کنٹرول اٹی ءُ۔ اوانقرہ ٹی اسہ ٹیلی ویژن تران اسے ٹی پارے کہ نن نئے بیرہ تینا ملک بلکن انسانیت نا تاریخ نا غٹ آن بھلا قدرتی آفت تون مون تننگ اٹی اُن۔ تدوک آ دے زندہ ریسکیو کروک آتیٹی 17 و 21 سال انا اِرا ایلم ہم اریر ہرافتے کہرامنماراس صوبہ ٹی اپارٹمنٹ آتا کیرغ آن کشنگا۔ انطاکیہ ٹی اسہ شامی بندغ و زالبول ہرادوسد آن زیات گھنٹہ اسکان کیرغ اختہ ئسر ءِ ریسکیو کننگا۔ اسہ کمکی کارندہ اسے نا پاننگ ئس کہ داسکان پین بندغ زندہ بچنگ کیرہ، اقوام متحدہ نا کمامدارآک پاریر کہ ریسکیو نا ریسہ بند مسنے و داسہ چکار ہنکین، خور و اسکولنگ آٹی ءِ۔ یورپ کن جہانی ادارہ جان جوڑی نا ڈائریکٹر ہانس ہنری پی کلوج نا رداٹ ضرورت آک بھاز زیات ءُ و گھنٹہ نا حساب اٹ ودنگ ءُ۔ ہڑتوم آ ملک آتیٹی کم و ود اِرا کروڑ 60 بندغ ءِ انسانی امداد نا گرج ءِ۔ اقوام متحدہ پارینے کہ شام اٹی کم و ود 90 لکھ بندغ زمی جمب آن زہمی مسنو و او 40 کروڑ ڈالر فنڈنگ نا خواست کرینے۔
