اسلام آباد۔ 14 فروری (اے پی پی) بنجائی وزیر حوالکاری و شینکاری مریم اورنگزیب پارینے کہ وزیراعظم محمد شہباز شریف اینو (سے شنبے نادے آ) اسہ دے ئی دورہ غا کراچی آ سرمریک ہراڑے او پاکستان نیوی نا کنڈان برجا جہانی اسیجائی بحری مشق آتا معائنہ ءِ کیک۔ سے شنبے نادے آ تینا ٹویٹ اٹی بنجائی وزیر حوالکاری پارے کہ اسیجائی بحری مشق آتیٹی 50 آن زیات ملک آتا بحری فوج آتا دستہ غاک بشخ ہلنگ اٹی ءُ۔ اوپارے کہ 2 سال آن پد اڈ ہلوک آ دا مشق آتا بنداوی مسخت سمندری قزاق، دہشت گرد، منشیات و سلہہ اسمگلر آتا برخلاف گچین اسیجائی حکمت عملی اس وضع کننگ ءِ۔ مریم اورنگزیب پارے کہ وزیراعظم بحری قزاق آتا برخلاف اسیجائی کارروائی ءِ ہُننگ آن بیدس ایلو بحری مشق و کسبی مہارت آتا مشاہدہ ءِ ہم کیک۔

متعلقہ مضامینمصنف کی طرف سے مزید