مسلم لیگ (ن) نا مچ آ پنجاب آن پارٹی ورناراہشون تا دیوان سے شنبے نادے آ لاہور اٹی مریک، ہرانا کماشی ءِ مریم نواز کیک، دیوان اٹی ورناتا شونداری، روزگار و کاروبار نا بابت سلاہ تیا سجفنگک، مریم اورنگزیب

اسلام آباد۔ 14 فروری (اے پی پی) مسلم لیگ (ن) نا ترجمان مریم اورنگزیب پارینے کہ مچ آ پنجاب آن پارٹی ورناراہشون تا دیوان (اینو) سے شنبے نادے آ 180 ایچ ماڈل ٹاؤن لاہور اٹی مننگ ءِ ہرانا کماشی ءِ پارٹی نا سینئر نائب صدر و چیف آرگنائزر مریم نواز کیک۔ سے شنبے  نادے آ تینا بیان اٹی ترجمان مسلم لیگ (ن) مریم اورنگزیب پارے کہ دیوان اٹی یوتھ انا تنظیمی پنجر نا جاچءِ ہلنگک، ورناتا شونداری ، روزگار و کاروبار نا بابت سلاہ تتون اوار ورناتا سوشل میڈیا نا بابت کڑد و پارٹی نا کہول آ کارکڑد آ سجفنگک۔ اوپارے کہ مریم نواز پارٹی نا یوتھ ڈویلپمنٹ پالیسی آ گپ وتران کیک، تنظیمی دیوان اٹی یوتھ چارٹر نا تیاری آ سلاہ ہلنگک و آخبت نا حکمت عملی آ سلابت مریک۔