اسلام آباد۔ 14 فروری (اے پی پی) وزیراعظم نا پارت آ نیشنل ڈیزاسٹر مینجمنٹ اتھارٹی (این ڈی ایم اے ) شام انا زمی جمب آن زہمی تا امداد کن 20 باسکی میڈیکل و ریسکیو ٹیم کمکی گڑاتتون اوار دمشق آ روانہ کرے۔ ترجمان این ڈی ایم اے نا رداٹ شام اکن گدریفوک آ کمکی ٹیم تیٹی پمز آن 10 ڈاکٹر وخت اس کہ سی ڈی اے نا 10 باسکی ریسکیو ٹیم اوار ءُ۔ داکان بیدس یخ آتا 131 خاہوتی تمبو و3 ہزار 966 کلوگرام دوائی تیا تالان کمکی کھیپ اس ہم روانہ کننگانے۔ شام اکن ٹیم تے بنجائی وزیر سیفران طلحہ محمود و خصوصی کمکار حامد حمید رخصت کرے۔ ریسکیو و میڈیکل ٹیمک پی آئی اے نا خصوصی جہاز بوئنگ 777 نا کمک اٹ دمشق آ سرمریرہ۔ ریسکیو ٹیم شام انا زہمی علاقہ غاتیٹی اربن سرچ و ریسکیو آپریشن اٹی بشخ ہلیک۔
