اسلام آباد۔13فروری (اے پی پی): بنجاھی وزیر برائے ماحولیاتی مٹ ءُ بدلی سینیٹر شیری رحمن ءَ گوشتگ کہ عمران خان ءَ وتی ھلاپ ءَ چارج شیٹ پیش کتگ۔ سئے سال ءُ نیم ءَ ملک ءَ را تباہ کنگ ءَ پد آوانی کرا حکومت ءِ مستری نہ بوتگ، اگاں شپے دیمیں مزن وزیر ءِ بوتگ گڈا سروکی ءِ سیٹ ءِ پرچا یل نہ کتگ۔ دوشمبے ءَ وتی ٹویٹ ءَ آئی ءَ گوشت کہ گاں تئی کرا حکومت ءِ پیسلہ دگہ مردمے کنگ ءَ بوتگ گڈا تو چیا سئے سالءُ نیم ءَ کرشی ءِ سر ءَ نشتگ ات۔ آئی ءَ گوشت کہ اگاں پیسریگیں آرمی چیف سوپر کنگ بوتگ گڈا آئی ءَ را تاں زندمان آرمی چیف نندگ ءِ پیشوکی چیا کتگ۔ ھلاپ کنوک آناں جیل آنی تہ ءَ مان کنان ءَ تو کریڈٹ زرتگ۔ نوں تو گوشے کہ کیاسگریءِ ادار گ ھم پیسریگیں آرچی چیف ءِکنٹرول ءَ بوتگ انت۔ تو بے ھیال بوتگ ات کہ تو جلسہ آنی تہ ءَ ھلاپ کنوک آنی دزگیر بوھگءِ جار جتگ۔ بنجاھی وزیر ءَ گوشت کہ نوں اسل ءَ تو ” وتی مستر نہ بوھگ” ناں نالائقی ءِ واستہ گریوگ ءَ ات۔ تو ھمینکیاس نالائق ات کہ تو وت تسلیم کنگ ءَ ات کہ تو یک بُتے ءُ سلیکٹڈ مزن وزیر ءِ بوتگ ات، استیں جاور آنی زمہ وار اچ کس نہ انت تو وت ئے۔ تئی لچڈیں حکومت کانودی رپک آنی گوما دور دیگ بوتگ اچ کسے پندل ایشی ءِ تہ ءَ ھوار نہ بوتگ انت۔
