اسلام آباد۔13فروری (اے پی پی):آئی ایم ایف پروگرام ءَ را ناکام جوڑ کنگ ء ِ ھوالگ ءَ استیں آڈیو لیک ءِ ھوالگ ءَ پیسریگیں وزیر ءِ ھزانگ شوکت ترین ءِ ھلاپ ءَ کیس ءَ درج کنگ بوتگ۔ ایف آئی اے سائبر کرائم اسلام آباد ءَ راولپنڈی ءِ نندوک ارشد محمود پیسریگیں وزیر ءِ ھزانگ ءِ ھلاپ ءَ کیس کتگ۔ ایف آئی آر پیکا ایکٹ ءِ چیر دستی ءَ کنگ بوتگ ایشی ءِ تہ ءَ دفعہ-124 اے ءُ پی پی سی-505 ھور انت۔ سوشل میڈیا ءِ سر ءَ شوکت ترین ءِ استیں آڈیو وائرل بوتگ ایشیءِ تہءَ آ پنجاپ ءِ وستہ ھزانگ محسن لغاری ءُ خیبر پختونخوا ءِ وزیر ھزانگ تیمور جھگڑا ءَ گوں فون ءِ سر ءَ گپ کنگ ءَ ات۔ استیں آڈیو کال ءِ ساھت ءَ شوکت ترین، دوئیں وزیر آناں آئی ایم ایف پروگرام ناکام جوڑ کنگ ءِ ھیل کاری دیگ ءَ ات۔ درج کتگیں کیس ءِ رد ءَ پی ٹی آئی سروک ءَ را استیں وڈیو لیک ءِ ھوالگ ءَ سمن جاڑی کتگ ءُ جست ءُ پرس کنگ بوتگ بلے آ جوانیں ءُ دلبڈیں پسو دیگ ءَ ناکام بوتگ۔
