جدہ۔13فروری (اے پی پی):سعودی عرب ءَ ترکیہ ءِ زمین چنڈءِ آماچیں مردمانی کنگ ءِ ھاترءَ دنیاءِ مستریں کارگو گراب ’انٹونوف 124‘ رہادگ دیم داتگ۔ سعودی روہتاک ءِ ردءَ ترکیہ دیم داتگیں انٹونوف 124 سٹریٹجک کارگو گراب ءَ چہ وردن ء ُوراک ءِ سامان، تمبو، کمبل ، چادر، دری ء ُ فولڈنگ بیڈ دیم دیئگ بوتگ اَنت۔ اے گراب یوکرین ءَ ہما وہدءَ ڈیزائن کنگ بوتگ کہ وہد ے کہ آ پیسرگیں سوویت یونین ءِ دست ءِ چیرءَ بوتگ۔ انٹونوف 69 میٹر دراج اِنت، آئیءِ رواج 865 کلو میٹر یک کلاک ء ُ آئی ءِ تہا 88 مردم سفر کُت کناں۔ چا ر انجن آنی اے گراب ءِ وسیلگءَ ڈیڑھ لکھ کلوگرام وزن یک وہدے ءَ دیم دیئگ بیت۔ آئی ءِ بانزل 628 میٹر دراج ءُ پراہ اَنت۔ حالیگیں گراب ءِ وزن یک لکھ 75 ہزار کلوگرام اِنت۔ سامان بار جنگ ءَ آئیءِ وزن دولکھ 30 ہزار کلوگرام ءَ سربیت۔ اے گیشاں چہ گیش 4 لکھ 5 ہزار کلوگرام وزن بُرت کنت۔
