اسلام آباد۔ 13 فروری (اے پی پی) صدر مملکت ڈاکٹر عارف علوی ضیاء محی الدین نا کزیت آ ہڑزخواہی نا درشانی ءِ کرینے۔ ایوان صدر نا پریس ونگ آن جاری بیان نا رداٹ صدر مملکت ضیاء محی الدین نا کزیت آ است ہسونی نا درشانیءِ کرسا فن ، ادب، پرفارمنگ آرٹ، فنکاری، ہدایت کاری نا بشخ اٹی ایماندار نا خذمت آتے خراج عقیدت پیش کرے۔ صدر مملکت پارے کہ ضیاء محی الدین نا کزیت کنکن اسہ ذاتی ءُ نسخان اسے۔ فن ، اداکاری، پیشکش، ہدایت کاری نا بشخ اٹی ضیاء محی الدین اسہ پنی ءُ شخصیت اس ئسک۔ او نثر و شاعری نا گچین ءُ قاری اس ئسک و سازوزیمل تون اوار خواناکہ۔ صدر مملکت دعا کرے کہ اللہ تعالیٰ فن نا بشخ و اونا خاہوت ءِ دا ڈکھیائی ءِ صبر اٹ سگنگ نا ہمت عطاکے۔ صدر مملکت ایماندار نا درجہ غاتا بڑزی کن دعا، فن نا بشخ اٹی خذمت آتے خراج تحسین پیش کرے۔
