اسلام آباد۔ 13 فروری (اے پی پی) اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ئسک پنی آ ادیب ، ہدایت کار، ٹی وی میزبان و صداکار ضیامحی الدین نا کزیت آ ڈکھیائی واست ہسونی نا درشانی ءِ کرینو۔ دوشنبےنادے آ تینا جتا جتا ہڑزخواہی کلہو آتیٹی اوفک ضیامحی الدین نا ادب و فن نا بشخ اٹی خذمت آتے خراج عقیدت پیش کریر و پاریر کہ ضیا محی الدین نا کزیت آن ادب و فن نا دنیا نا اسہ درخشاں ءُ بشخ اس بند مسنے۔ ادب و فن انا بشخ آتیٹی ضیاء محی الدین نا خذمت آتے مدام یات تخنگک۔ اسپیکر و ڈپٹی اسپیکر اللہ تعالیٰ آن ایماندار نا درجہ غاتا بڑزی و غم زدہ خاہوت ءِ دا بے بدل نسخان ءِ سگنگ کن صبر وجمیل نا دعاہم کریر۔
