اسلام آباد۔ 13 فروری (اے پی پی) بنجائی وزیر حوالکاری و شینکاری مریم اورنگزیب پنی آ اداکار، ہدایت کار و میزبان ضیامحی الدین نا کزیت آ ڈکھیائی و است ہسونی نا درشانی ءِ کرسا پارینے کہ ضیا محی الدین اسہ ہندن ءُ ادبی شخصیت اس ئسک ہرانا خواننگ و ہیت کننگ نا وڑ ءِ جہانی شہرت نصیب مس۔ دوشنبےنادے آ تینا ہڑزخواہی بیان اٹی او پارے کہ ضیا محی الدین پاکستان آن پیشن ہنسا ہم تھیٹر و فلم آتیٹی کاریم کرسا پاکستان نا پن ءِ روشنا کرے۔ اوپاکستان ٹیلی ویژن آن پائل، چچاچکھن، ضیا اتون اوار و جوجانے وہ جیتے کون آپنی ءُ پروگرام پیش کرے۔ بنجائی وزیر حوالکاری پارے کہ تینا ہنین آ توار اٹ اردو ادب نا فن پارہ پیش کرسا ضیا محی الدین جوان ءُ پن ا س کٹا۔ ایماندار نا شوبز انڈسٹری کن خذمت آتے مدام یات تخنگک۔ اوضیامحی الدین نا خاہوت تون ہڑزخواہی نا درشانی ءِ کرسا دعا کرے کہ اللہ تعالیٰ ایماندار ءِ جنت الفردوس اٹی بڑزکو ہند اس و خاہوت ءِ صبر وجمیل عطاکے۔
