اسلام آباد۔12فروری (اے پی پی): صدر مملکت ڈاکٹر عارف علوی ءَ شمالی وزیرستان ءِ دمگ میر علی ءَ سیکورٹی فورسز ءِ قافلہ ءِ سر ءَ ناشرکاری ارش ءَ را مذمت کتگ۔ یک شمبے ءِ روچ ءَ ایوان ءِ صدر پریس ونگ ءِ نیمگ ءَ جاڑی بوتگیں بیان ءِ رد ءَ صدر مملکت ءَ واکیہ ءَ فوجی کارندہ آنی شہادت ءِ پد ءَ اپسوزی ءِ کت ءُ توسیپ ءُ ستا پیش کت۔ ڈاکٹر عارف علوی ءَ ناشرکاری ءِ سرجمیں ھلاسی ءِ واستہ راج ءِ یکجائی جزم ءَ را درشان ھم کت۔ صدر مملکت ءَ ٹپیگ آنی زوت جان سلامتی ءِ دعا کت۔ آئی ءَ شہید آنی گس ءِ مردم آنی گوما یکوئی ءِ درشان ءِ واستہ سگ ءُ اوپار کشی ءِ واستہ دعا ءِ نیک کت۔
