زمین  چنڈ  ءِ  واستہ   جوڑیں  فنڈ  ءَ را  ترکیہ  ءِ گوما   شام  ءَ  آماچیں   مردم آنی  واستہ  کمک  ھم  کارمرز کنگ  بیت،   مزن وزیر   شہباز شریف  ءَ را  ترکیہ  ءُ شام  ءَ  زمین چنڈ  ءِ  واستہ  پاکستان   ءِ نیمگ ءَ  جاڑی  بوتگیں  کمکی  کاروائی    آنی سر ءَ  چار ءُ تپاسی دیوان    ءَ گوں گشتانک  

اسلام آباد۔12فروری  (اے پی پی): مزن وزیر  محمد  شہباز شریف   ءَ پنت ءُ شون  کت  کہ زمین چنڈ  ءِ آماچیں  مردم آنی واستہ جوڑیں  فنڈ  ءَ را  ترکیہ ءِ گوما  شام  ءِ آماچیں  مردم آنی  کمک  ءِ  واستہ   ھم  کارمرز کنگ بیت،  پاکستان  ءَ  ناں  ایون ءَ  ترکیہ  ءُ شام ءِ زمین  چنڈ  ءِ آماچیں  مردم آنی  کمکی  سمان   روان  دیگ ءَ انت  بلکینگ ءَ ایشی ءِ شنگ ءُ تالان   ءَ اتکگ  بوتگ  توامیں  ھرچ  ءُ درچ  ھم  وت   چست  کنت۔  یک شمبے ءِ روچ ءَ  مزن وزیر  کارگس ءِ پریس  ونگ ءِ نیمگ ءَ  جاڑی  بوتگ  بیان ءِ رد ءَ   مزن  وزیر  محمد  شہباز شریف  ءِ سروکی ءَ ترکیہ  ءُ شام   ءَ زمین  چنڈ  ءِ آماچیں   مردم آنی واستہ پاکستان  ءِ  نیمگ ءَ جاڑی بوتگیں  کمکی کاروائی   آنی سر ءَ   چار ءُ تپاسی دیوان ءِ برجم  دارگ  بوت۔  ایشی  ءِ تہ ءَ بنجاھی  وزیر   اسحاق  ڈار،  احسن اقبال،   مریم اورنگزیب،  رانا  تنویر حسین،  مزن وزیر   ءِ ھاسیں  کمکا سید طارق  فاطمی، ترکیہ  ءُ  شام   ءَ پاکستان ءِ سفیر  ،  سیکرٹری  درئی کار، سیکرٹری  ہوابازی،  چیئرمین  این ڈ ی  ایم اے  ءُ ایندگر   مزن تکی   کارندہ  آں  بھر زوری  کت۔