پاکستان  ءُ ایران  ءِ مھکمیں  براتی ءُ یکوئی   ءِ ریشگ   نیک راھ،  تاریخ  ءُ دود ءُ  ربیدگ  ءِ یکجائی   سیاسی  آں گوں بندوک انت،  مزن وزیر  محمد  شہباز شریف  ءِ اسلامی   آشوب  ءِ   44  چیل ءُ چارمی  سالروچ ءِ  پد ءَ بارک بات

اسلام آباد۔11فروری (اے پی پی): مزن وزیر  محمد  شہباز شریف  ءَ  اسلامی  جمہوریہ  ایران   ءِ  44  چیل ءُ چارمی  آشوب ءِ   سالروچ ءِ پد ءَ  وتی  کلوہ ءَ    پاکستان   ءِ  حکومت ءُ  الس ءِ نیمگ ءَ ایرانی   حکومت   ءُ براتیں   ملک  ایران  ءِ  الس   ءَ را  اسلامی   آشوب  ءِ  44 چیل ءُ چارمی   سالروچ  ءُ ایران   ءِ  راجی  روچ ءِ    درگت ءَ  مبارک   بات  پیش  کنان  ءَ گوشتگ کہ  پاکستان  ءُ ایران  ءِ  نیام ءَ مھکمیں براتی  ءُ  یکوئی  است انت  ایشانی ریشگ  نیک راھ، تاریخ  ءُ  دود  ءُ   ربیدگ  ءِ   یکجائی  سیادی آں  گوں  بندوک  انت۔  مزن  وزیر  کارگس ءِ  میڈیا  ونگ ءِ  نیمگ ءَ جاڑی بوتگیں شمبے ءِ روچ ءَ    بیان ءَ  مزن وزیر   ءَ گوشتگ  کہ  ادا  اے  گپ   لائک  ءِ دل یکیمی انت  کہ مئے کوھنیں  یکوئی  وھد ءِ گوزگ ءِ گوما  گیش  مھکم ءُ برجم  بوھگ ءَ انت۔  آئی  ءَ گوشتگ  کہ  من اے وھد ءَ ایران  ءِ براتیں  الس   ءِ  یک شلیں  دیمروئی،  وشھالی  ءُ گہبود  ءِ   واستہ  نیکیں  واھگ  آنی   درشان  ءَ  کناں۔