مزن وزیر   محمد  شہباز شریف  ءَ  شام  ءَ   مزن وزیر  حسین  آرنوس  ءَ را   ٹیلی فون،  سکیں  ساھت ءَ  پاکستان  ھمک  رنگیں  کمک   ءِ دل  یکیمی دات

اسلام آباد۔11فروری (اے پی پی): مزن وزیر  محمد  شہباز شریف  ءَ  شام ءَ  مزن وزیر  ءَ را  دل یکیمی  دات  کہ  سکیں  ساھت ءَ پاکستان  وتی  شامی برات ءُ گہار  آنی  ھمک رنگیں کمک ءَ کنت ۔  پاکستان  ءِ  نیمگ ءَ چہ  پاکستان  باز زوت  شام ءَ زمین  چنڈ   ءِ  آماچیں مرد آنی کمک   ءِ  واستہ  ٹرک   آنی  یک  ٹولیگ  ءِ روادگ  کنت۔  شمبے  ءِ روچ ء  مزن وزیر  کارگس  ءِ   پریس  ونگ  ءِ  نیمگ  ءَ  جاڑی  بوتگیں   بیان  ءِ رد ءَ   مزن وزیر  محمد   شہباز شریف    شام ءَ  مزن وزیر  حسین   آرنوس  ءَ را   ٹیلی فون  کت  ءُشام ءَ  بوتگیں  زمین چنڈ ءِ سبب ءَ  بوتگیں جانی  ءُ مالی  تاوان  بار آنی  پد ءَ ڈکھ ءُ  اپسوزی ءِ  درشان  کت۔   مزن وزیر  محمد  شہباز شریف ءَ حسین  آرنوس  ءِ  گہار،  آئی ءِ  یازدہ  زھگ  ءُ  نماسگ    آنی  بیرانی ءِ  پد ءَ  ڈکھ ءُ اپسوزی ءِ درشان  کت  ءُ   دعا ءِ  نیک  کت۔  مزن وزیر  ءَ  گوشت  کہ پاکستان  ءِ حکومت  ءُ الس   شام  ءَ بوھوکیں  زمین چنڈ   ءَ چہ  گران  بھائیں جانی تاوان  ءِ پد ءَ  ڈکھ  ءِ  آماچ انت۔  مزن وزیر  ءَ شامی  مزن وزیر  ءَ را  دل یکیمی دات  کہ اے سکیں ساھت ءَ پاکستان  وتی  شامی برات ءُ گہار آنی  ھمک رنگیں  کمک ءَ  کنت۔