پی ٹی آئی ءِ پیسریگیں   حکومت   ءَ الس  ءِ واستہ  ایوک ءَ  سکی  پیداک کتگ، الس بے وقوف نہ انت بلکینگ ءَ زانت  کوچنڈانیں معیشت  ءُ گران بھائی ءِ زمہ  وار  کئے انت،  پاکستان  مسلم  لیگ  ن  ءِ کلانہ ایں   نائب  صدر  مریم  نواز

اسلام آباد۔11فروری (اے پی پی):پاکستان مسلم لیگ (ن ) ءِ  نائب  صدر  ءُ چیف  آرگنازئر  مریم نواز  ءَ گوشتگ کہ پی ٹی آئی ءِ پیسریگیں  حکومت   ءَ الس  ءِ واستہ ایوک ءَ سکی  پیداک  کتگ،  الس  بے وقوف  نہ انت ،  زانت کہ  کوچنڈانیں  معیشت  ءُ  گران  بھائی ءِ زمہ وار کئے انت،  عمران خان   ھرچی توری پلستر بجن، گھڑیال ءِ دزئی،  فارن فنڈنگ، وتی جن ءِ دزئی  رشوت ءُ لالچ  زرتگیں پنگ  کیرٹ  ءِ  مندریک ءَ   پسو دیگی ات۔  ھما منصوبگ  کہ چار  ماہ ءَ سرجم  نہ بوتگ  انت ، آ  شہباز اسپیڈ ءَ چہ  بندات ءُ سرجم بوھگ   ءَ انت۔  نواز شریف  ءَ   وتی چار  سال ءَ ملک  ءَ را  دیمروئی  کنان ءَ یل  کتگ،  معاشی  گروتھ  6  درسد  بوتگ  بلے  نااہل  ءُ نالائق   ءَ گوستگیں  4 سال   ءَ ملک ءَ را   آئی  ایم  ایف ءِ کرا  ، رھن  کتگ۔  آئی ءَ گوشت کہ  تاں  وھد ءِ ملک ءَ را  چہ سکی آنی  تہ ءَ در نہ کناں  ایمنی ءَ گوں نہ ننداں۔  اے  ھیالانی درشانی آئی  ءَ  اسلام آباد  ءَ  ٹوھیں  کنونشن  ءَ گوں  گشتانک دیان ءَ کت۔