بے گناہیں کشمیری  ھپتاد سال  ءَ چہ ہندوستانی فوج ءِ مقابل  ءَ   کنگ ءَ انت،  مقبوضہ  کشمیر ءِ   ھمک  ساھت  کربلا انت،  مشعال ملک

راولپنڈی۔11فروری  (اے پی پی):کشمیری حریت  سروک  ءُ  کشمیر لبریشن فرنٹ  ءِ چیئرمین  محمد یاسین  ملک ءِ  لوگ بانک   مشعال  یاسین ملک ءَ گوشتگ کہ  کودکیں  کشمیری  ھپتاد سال ءَ چہ  ہندوستانی  فوج  ءِ مقابلہ ءَ کنگ ءَ انت،  مقبوضۃ  کشمیر  ءِ  ھمک ساھت    کربالا  انت،  50  لکھ  بھارتی   آناں  پجار  کاٹ  دیان ءَ مقبوضہ  دمگ  ءَ ر ا منی  انڈیا  جوڑ  کنگ  ءِ   پندل  ساچگ  بوھگ ءَ انت۔ کشمیر  ءِ کودکیں مسلمان  آنی  سر ءَ  ظلم ءُ زوراکی   ءِ  ھوالگ ءَ   میاں اوستمانی دگنیا ءِ دیم ءَ یک  جستی  نشان انت۔  ہندوستان کشمیر ءَ ناشرکاری  کنگ     ءَ انت  ءُ   ایشی  ءَ را  اچ کس  گر ءُ دار   کنوک  نیست، کشمیر سروک   مقبول  بٹ  ءَ را    پاھو   دیگ بوتگ   وھدیکہ  آئی ءِ   ھلاپ ءَ اچ رنگیں  ثبوت  نہ بوتگ۔  آئی ءَ اے گپ   گورنمنٹ  ایسوسی ایٹ گرلز کالج  ءَ یوم  یکوئی کشمیر  ءُ حریت  سروک   مقبول  بٹ  ءِ  بیرانی ءِ   برسی ءِ     روچ ءِ پد ءَ   برجم داشتگیں  دیوان ءَ  گوں تران کنان ءَ  کت۔  مشعال  یاسین  ملک ءَ گوشتگ  کہ  ھمے رنگ ءَ راولپنڈی  کالجز  ءِ نودربر   آں  کشمیری  الس آناں  توسیپ ءُ     ستا ءُ  یکوئی ءِ   درشا کتگ  ایش  لائک ءِ  ستا انت۔  مودی  حکومت ءَ   5  اگست  2019  ءَ   گیر کانودی ءُ  یک نیمگی  بھارتی   ءِ  گامگیج  ءَ چہ ایوک ءَ  کشمیر ی آنی  ھک  لگت  مال   کنگ ءِ پندل بلکینگ ءَ سرجمیں پڑ ءَ کشاں چیل آنی بنیات ءَ را  ایر  کنگ بوتگ۔   بھارت  پنجاہ  لکھ   بھارتی آناں پجار کاٹ  دیگ ءَ انت ءُ   مقبوضہ   دمگ ءَ را  سمال انڈیا  جوڑ  کنگ ءِ  پندل ءَ ساچگ ءَ انت۔     کشمیر ءَ  بنی  آدم آناں کشگ ءُ   بیگواہ   کنگ  انچائیں گپ ءِ جوڑ  بوتگ۔  10 لکھ  ءَ چہ گیش  کشمیر   ہندوستانی فوج  کشمیر  ءَ  آرگ بوتگ انت۔  آئی ءَ گوشت کہ  شہید مقبول  بٹ  مرچی  ھم  تہاڑ جیل ءَ  دفن انت۔   آئیءِ   جون ءَ را  آئی ءِ ھاندان ءَ را   دیگ نہ بوتگ۔   سید علی  گیلانی وڑیں   لیڈر  ءِ  گوما  ھرچی بوتگ  شمے  دیم ءَ انت۔    آئی  جون   ءَ را  بے شرپ  کنگ بوتگ۔   کشمیر ءِ دمگ   کربلا  انت۔   لاش آناں گوں درچک ءَ ٹنگگ   بوھگ ءَ انت۔  لاش آنی  بے شرپی  کنگ بوھگ ءَ انت۔  آئی  ءَ گوشت کہ مرچی  زھگ   ھمے رنگ ءَ کشمیر   کاز  ءَ را   سہرا کتگ   ایش لائک ءِ سا  انت ،  تاریخ ءِ   کشاں  چیل ءَ ر ا  ٹیبلو  ءِ وسیلگ    ءَ    سہرا  کنگ  باز  جوان  بوتگ۔  وانگ ءُ زانگی  ادار  آناں  پی این سی  اے  ءُ ایندگر   دود ءُ ربیدگی   ادارگ  آنی گوما   یکجائی  نیمگ ءَ  پروگرام    رد ءُ بند   دیگ  لوٹ ائیت۔