صدر مملکت ڈاکٹر عارف علوی نا صدارتی ایوارڈ یافتہ شاعر و ادیب امجد اسلام امجد نا کزیت آ است ہسونی نا درشان

اسلام آباد۔ 10 فروری (اے پی پی) صدر مملکت ڈاکٹر عارف علوی صدارتی ایوارڈ یافتہ شاعر، ادیب، و ڈرامہ نویس امجد اسلام امجد نا کزیت آ ڈکھیائی و است ہسونی نا درشانی ءِ کرینے۔ جمعہ نادے آ ایوان صدر نا پریس ونگ آن جاری ہڑزخواہی بیان نا رداٹ صدر مملکت امجد اسلام امجد نا ادبی خذمت آتے خراج عقیدت پیش کرسا پارے کہ اینو پاکستان اسہ بلند پایہ شاعر و ادیب اسے آن محروم مس۔ اوپارے کہ اردو ادب اٹی امجد اسلام امجد نا خورکی ءِ پُر کننگ مفک، ایماندار فن انا بشخ اٹی بھلو خذمت اس سرتس و اردو ادب کن اونا خذمت آتے یات تخنگک۔ صدر مملکت اردو زبان کن ایماندار نا خذمت آتا ستاءِ کرے۔ صدر ڈاکٹر عارف علوی امجد اسلام امجد نا کزیت آ ڈکھیائی نا درشانی ءِ کرسا پارے کہ ڈکھیائی نا داساہت اٹی کنا ہمدردیک خاہوت تون ءُ۔ صدر دعا کرے کہ اللہ تعالیٰ ایماندار ءِ جنت الفردو س نصیب کے ، اوایماندار کن بخشش و وارث آتیکن صبر وجمیل نا دعا کرے۔