شازیہ مری نا شاعر و ادیب، ڈرامہ نویس امجد اسلام امجد نا کزیت آ است ہسونی نا درشان

اسلام آباد۔ 10 فروری (اے پی پی) بنجائی وزیر و چیئرپرسن بی آئی ایس پی شازیہ مری صدارتی ایوارڈ یافتہ شاعر، ادیب ، ڈرامہ نویس امجد اسلام امجد نا کزیت آ است ہسونی نا درشانی ءِ کرسا پارینے کہ او اسہ عظیم ءُ انسان اس ئسک۔ اردو ادب کن اونا خذمت آتے مدام یات تخنگک۔ تینا ہڑزخواہی بیان اٹی شازیہ مری امجد اسلام امجد نا کزیت آ ڈکھیائی و غم انا درشانی ءِ کرسا پارے کہ او امجد اسلام امجد نا ادبی خذمت آتے خراج تحسین پیش کیک۔ اینو پاکستان اسہ بلند پایہ شاعر و ادیب اسے آن محروم مس۔ امجد اسلام امجد نا شمار دور حاضر نا عظیم شاعر و ادیب آتیٹی مریک۔ امجد اسلام امجد شعبہ فن اٹی بھلو خذمت اس سرتس۔ امجد اسلام امجد نا پن اردو ادب اٹی مدام زندہ سلک۔ اوپارے کہ ای اللہ تعالیٰ آن دعا کیوہ  اللہ پاک ایماندار  نا درجہ غاتے بڑز کے۔ اودعا کرے کہ اللہ تعالیٰ ایماندار ءِ جنت الفردوس اٹی جاگہ و خاہوت ءِ صبر و جمیل عطا کے۔