سعودی عرب آن کمکی گڑاتا اولیکو جہاز ترکیہ کن روانہ

ریاض۔ 10 فروری (اے پی پی) سعودی عرب آن کمکی گڑاتا اولیکو جہاز ترکیہ غا روانہ کننگانے۔ سعودی خبررساں ادارہ نا رداٹ خادم الحرمین الشریفین شاہ سلمان بن عبدالعزیز نا پارت آ ترکیہ و شام اٹی زہمی تا کمک کن سعودی عرب آن اولیکو کمکی قافلہ ءِ روانہ کننگانے۔ سعودی ہلال احمر نا نائب سروک فہد الحجاج پارینے کہ بنائی طبی امداد نا فراوانی کن 20 آن زیات چاہندار ہم روانہ مسنے۔ چاہندار آتون المی دوائی و طبی گڑاتیان بیدس قدرتی آفت آتیان پد انا گرج انا گڑاہم ارے۔ اوپارے کہ طبی کمکی ٹیم تینا بشخ انا چاہندار مننگرہ ہرافتا کچ اٹی رپورٹ ملنگ آن پد ودکی کننگک۔ ارٹ میکو کنڈا سعودی ایئر لائن پارینے کہ ، 98 ٹن غذائی و کمکی گڑاتیان پُر اولیکو جہاز ترکیہ غا روانہ مسنے۔