اقوام متحدہ نا سلامتی کونسل نا انسداد دہشت گردی نا حالیت آتیا دیوان

اقوام متحدہ۔ 10 فروری (اے پی پی) اقوام متحدہ نا سلامتی کونسل نا انسداد دہشت گردی نا حالیت آتیا دیوان اس اڈ ہلک۔ چینی میڈیا نا رداٹ اقوام متحدہ نا انسداد دہشت گردی کمیٹی نا ایگزیکٹیو ڈائریکٹوریٹ نا قائم مقام ڈائریکٹر چن وائی سیونگ تینا حوال اٹی پارینے کہ کثیر الجہتی کمکاری نا کمک اٹ نن مون آ بروک آ جہانی دہشت گردی نا خطرہ نا سرسہبی و گچین وڑاٹ ورندی ءِ تننگ کینہ۔ اقوام متحدہ ٹی چین نا آخبتی مندوب چانگ جون پارے کہ چندی فریق آتا کنڈآن تروک آ حوال آن دا ہیت پاش مریک کہ دہشت گردی نا خطرہ داسہ ہم بھاز سنگین ءِ۔ او پیدوار کرے کہ نیزگاری و اوڑتون گنڈوک زرگزرانی محرومی اہم آ سوب آک ءُ ہر ادہشت گردی ءِ ودی کیرہ۔ جہانی برادری ءِ راجی و اقتصادی شونداری ءِ مون آ دننگ و دہشت گردی نا گل زمین نا چٹفنگ کن کوشست آتے بایدے ترند کننگے۔