پاکستان مسلم لیگ (ن) نا تنظیمی کنونشن اینو ایبٹ آبادا ٹی مریک، سینئر نائب صدر و چیف آرگنائزر مریم نواز تنظیمی کنونشن آن تران کیک، مریم اورنگزیب

اسلام آباد۔ 09 فروری (اے پی پی) بنجائی وزیر حوالکاری وشینکاری و ترجمان مسلم لیگ (ن) مریم اورنگزیب پارینے کہ پاکستان مسلم لیگ (ن) نا تنظیمی کنونشن اینو ایبٹ آباد اٹی مریک، سینئر نائب صدر و چیف آرگنائزر مریم نواز تنظیمی کنونشن آن تران کیک۔ پنچ شنبے نادے آ تینا بیان اٹی بنجائی وزیر مریم اورنگزیب پارے کہ مریم نواز پگہ ایبٹ آباد اٹی تنظیمی دیوان نا کماشی ءِ ہم کیک۔ دیوان اٹی پارٹی نا تنظیمی امور آ سجفنگک ہراٹی پارٹی ءِ فعال کننگ، تنظیمی پنجر ءِ پین گچین کننگ آ سلابت مریک۔ مریم نواز پارٹی عہدیدار و کارندہ غاتون اوڑدہی کیک۔ مریم نواز داکان مست بہاولپور ڈویژن نا دورہ ءِ کرینے۔