سری لنکا ءُ پاکستان ءِ نیام ءَ تجارت، معیشت  ءُ وانگ ءُ زانگ ءِ شوبگ آں  گیشاں چہ گیش  کمک آناں دیمروئی دیگ ءِضلورت انت،  صدر  عارف علویءِ سری لنکن  سنیئر سول سرونٹس  ءِ ڈلءَ گوں تران

اسلام آباد۔9فروری  (اے پی پی):صدر مملکت ڈاکٹر عارف علوی ءَ سری لنکا ءُپاکستان ءِ نیام ءَ  تجارت،   معیشت  ءُ وانگءُ زانگ ءِ شوبگ ءَ گیشاں چہ گیش  کمک آناں دیمروئیدیگ ءِ ھوالگءَ زور دیان ءَ گوشتگ کہ  دوئیں ملک آنی  نیام ءَ  جوانیں یکوئی برجا انت  ایشاناں  وت مہ وتی  سیت آنی   واستہ  گیش دیمروئی  دیگ ءِ ضلورت انت۔  صدر  مملکت  ءَ  اے  ھیالانی درشانی  سری لنکا ءِ  کلانہ ایں سول سرونٹس  ءِ ڈل ءَ گوں تران کنان ءَ کت  آئی ءَ  پنچ شمبے ءِ  روچ ءَ ایونا ءِ صدر ءَ آئی  ءَ گوں گند ءُ نند کت۔  اے وھد  سری لنکا ءِ  20 کلانہ سول سرونٹس  اسلام آباد  ءِ نیشنل ڈیفنس یونیورسٹی  ءَ انٹر نیشنل ریلیشنز،  پیس  اینڈ  اسٹریٹجک  اسٹڈیز، پبلک پالیسی،  لیڈر  شپ  ءُ منیجمنٹ  ءِ ھوالگ ءَ دو  ھپتگ  ءِ  ھیل  کاری پروگرام  ءَ بھر زوری  کنگ ءَ انت۔  اے موہءَ گشتانک دیانءَ   صدر ءَ بیورو کریسی  ءِ سر ءَ زور پر دات کہ  آ مردم آنی ضلورت آناں پیلو کنگ ءِ نظام ءِ کار کرد ءَ را   گہتر  جوڑ  کنگءُ   ترند  گامیں  دیمروئی ءَ   را دل یکیمی جوڑ کنگ ءِ   واستہ  گامگیج  آنی  بابت ءَ  دلگوش  بکنت۔  آئیءَ گوشت کہ  نوک دیمروئی کنوکیں ملک آناں وانگ ءُزانگ ءُ جان سلامتی ءِ شوبگ ءِ دیمروی ءِ   سر ءَ دلگوش  دیگ ءِ   گوما  آوانی  استیں جیڈ ھ آناں  گیواری کنگ ءِ واستہ  ترندیں  پیسلہ  کنگ لوٹ  ائیت۔