کشمیری الس توامیں  جیڈھ  آں چہ  ابید  بھارت ءِ  ہٹلر  ءِ   ھلاپ ءَ   وتی   آجوئی  ءِ جنز ءَ را  جاڑی  دار ائیت، مشعال  ملک

اسلام آباد۔8فروری  (اے پی پی):چیئرپرسن پیس اینڈ کلچر آرگنائزیشن مشعال ملک ءَ  سہرا  کتگ  کہ  کشمیر  ءِ   مزن جگریں  الس  توامیں  جیڈھ  آں چہ ابید  بھارتی  غلامی ءَچہ   آجو  بوھگ ءَ  تاں   بھارت  ءِ  ہٹلر  ءِ   ھلاپ  ءَ  وتی تحریک  آزاتی   ءَ را  جاڑی  دار انت۔  اے   ھیالانی درشانی  آئی  ءَ  چار  شمبے  ءِ  روچ ءَ  نیشنل   کالج  آف  آرٹس    ءَ   کشمیری   الس آں  گوں   یکوئی ءِ درشان  ءِ   واستہ   برجم داشتگیں   اکسی  نماش ءِ  موہءَ  کت۔  اے  موہ ءَ  چار شمبے  ءَ  نیشنل  کالج  آف  آرٹس  ءَ  کشمیر ی  الس   آں گوں  یکوئی  ءِ   درشان  ءِ   واستہ  برجم  داشتگیں اکسی  نماش ءِ موہ ءَ  کت۔  اے موہ ءَ یاسین  ملک ءِ  زھگ  رضیہ  سلطانہ  ءُ سیکر ٹری جنرل  پیس  اینڈ کلچر  آرگنائزیشن  سبین  حسین  ملک   ھم ساڑی  ات۔ مشعال  حسین  ملک ءَ گوشتگ کہ  ازمکار  ءُ  اکسکار  وتی  قلم،  برش  ءُ    کار رپک آناں  کارمرز  کنان ءَ دگنیا  ءَ را  مقبوضہ  دمگ ءِ   جاور ھال  آنی بابت ءَ سرپد  کنگ ءَ ارزشتی ایں  کرد  پیلو  کنگ ءَ انت۔   اکسی نماش ءَ مقبوضہ  کشمیر  ءِ مردم   وتی بھارتی   فوج  ءِ   لٹ  ءُ کُٹ  ءُ بھارتی ظلم  ءُ زوراکی    ءَ را سرجمیں  دگنیا   ءِ  دیم ءَ سہرا   کنگ ءَ  ارزشتیگیں  وسیلگ  ات۔   مشعال  ملک ءَ گوشتگ کہ مقبوضہ  کشمیر ءَ  بنی آدمی  ھک آنی  لگت مالی  ریاستی  لٹ  ءُ کٹ  ءُ مودی سرکار  ءِ    لچڈی  ءَ را دگنیا ءِ دیم ءَ سہرا  کنگ   باز ارزشتی انت۔  آئی ءَ گوشت کہ یاسین ملک  ءَ ھوار  کلانہ ایں حریٹ سروک    کیز انت ءُ آواناں   بنیاتی  ءُ کانودی  ھک آں  چہ  زبھر  کنگ بوھگ ءانت۔  آئی ءَ گوشت کہ  نریندر  مودی  ءِ سروکی ءَ   ہندو   توا حکومت  ، ظلم ءُ زوراکی   ءِ  کار رپک آناں  کارمرز  کنگ ءَ انت۔  آئی ءَ گوشتکہ  ما  مقبوضہ    دمگ ءَ  یک سب  جیلے ءِ رنگ ءَ  مٹ  کنگ  ءُ  گوستگیں  ھپتاد  سال ءَ چہ  بھارتی  ناشرکاری ءُ کشمیری  آنی  نسل  کشی ءَ را  ایرا د  گراں ءُ مذمت  کناں۔  مشعال حسین ملک ءَ گوشت کہ آرٹ   ءِ کشمیر الس    آنی  جہد ءُکوشست  ءِ  درشان   ءَ  ما  ارزشتی ایں  کرد ات  چیا کہ  آرٹ   کشمیر ءِ جیڈھ  ءِ    ظلم ءُ زوراکی ءَ را  بیان   کنان ءَ ھمک  مردم ءِ دلءَ    تاں  اے کسو ء را  سر  کنت ءُ رسین ائیت۔  آئی ءَ گوشت کہ این سی  اے  ءِ دل ءَ یک  ھاسیں  بستا ر ات  ءُ آ مدام  آئی ءِ   مراگش ءِ  بھر  جوڑ  بنتءُ دلبڈی   ءُ  شرپ  سما کنت۔ آئی ءَ گوشت کہ بنجاھی وزیر رانا  تنویر  حسین ءَ گوشتگ  کہ  وزارت  ءِ  بنجاھی  وانگ   ءُ زانگ    ءُ کزبی  کار  ءَ کشمیر  کاز  ءَ را سہرا  کنگ ءِ  واستہ   ارزشتی ایں گامگیج آنی بنگیج  کتگ۔  آئی ءَ  ھاسیں رنگ ءَ  کشمیر کاز  ءَ را سہرا  کنگ ءَ ارزشتی ایں  کرد  پیلو  کنگ ءِ پد  ءَ این  سی  اے  ءِ   کوشست  آناں ساڑات۔  آئی ءَ گوشت کہ  پاکستان  کشمیر  ءِ کمک  ءَ را جاڑی  دار ائیت۔  کشمیری  آنی سیاسی ءُ بنی  آدمی  ھک آنی رکھینگ ءِ سوگند ءَ را پیلو  کناں۔  آئی ءَ گوشت کہ  یونائیٹڈ  نیشن ءِ زمہ  واری  انت کہ کشمیر  ءَ را   وتی    منوگری آنی رد ءَ آجو  کنگ ءُ ایشی ءِ  جیڈھ  آناں   کشمیر  الس ءِ واھگ  آنی رد ءَ  زوتاں چہ زوت  گیوار کنگ بہ بیت۔  آئیءَ نماش ءَ استیں    پینٹنگ  آنی توسیپ  کت ءُ اے نماش ءِ بست ءُ بند کنگ ءِ پد ءَ  پروائس  چانسلر   پروفیسر ڈاکٹر مرتضیٰ جعفری  ءِ شگر ءُ منت واری  گپت۔ وائس چانسلر  پروفیسر  ڈاکٹر   مرتضیٰ  جعفری ءَ بنجاھی وزیر وانگ ءُ زنگ  ءُ کزبی کار  رانا تنویر   ءُ جموں کشمیر لبسریشن  فرنٹ   ءِ سروک  محمد  یاسین    ملک ءِ  لوگ بانک    مشعال  حسین ملک   ءَ را وش اتک کت۔