پاکستان  ءَ را جیڈھ  آں چہ در کنگ ءِ  واستہ  ملکی سروک  آناں  وھد ءُ موہ  ءِ  سر ءَ اشتاپیں   پیسلہ  کنگ لوٹ ائیت، صدر  مملکت  ڈاکٹر  عارف  علوی  ءِ ڈل ءَگوں تران

اسلام آباد۔8فروری  (اے پی پی): صدر   ممکت  ڈاکٹر  عارف علوی   ءَ گوشتگ  کہ زانتءُ زانش   ءَ را  نوکیں دور ءُ بارگ ءِ  لوٹ  آنی گوما   ورنا آناں  اخلاقی  شرپ ءُ   یکوئی  ءِ جوزگ  آناں ھم  سہرا  کنگ ءِ ضلورت انت۔ پاکستان  ءَ  را   جیڈھ  آں چہ در  کنگ ءِ  واستہ ملکی  سروکی   آناں  وھد ءُ موہ   ءِ سر ءَ  ترندیں پیسلہ  کنگ لوٹ  ائیت۔  اے ھیالانی درشانی آئی  ءَ   چار  شمبے ءَ  کیڈٹ  کالج  کوہاٹ  ءِ  نودربر  آنی  ڈل ءَ گوں  تران  کنان ءَ کت۔   صدر  مملکت ءَ  نودربر  آناں زانت ءُ زانش ءِ  در  جنگ ءُ  وت   ءَ را   نوکیں   دور ءُ باریگ ءِ لوٹ  آنی  رد ءَ   کنگ ءِ  ضلورت   ءِ    ھوالگ ءَ زور  دات ءُ گوشت کہ نوکیں ٹیکنالوجی،  وت  جوڑیشتی  ھیل کاری،  رووٹکس   ءُ ایندگر    وڑیں  شوبگ   آنی تہ ءَ ازمکاری در  کنگ ءِ    ھوالگ ءَ  دلگوش  کنگ بہ بیت۔