اسپیکر قومی اسمبلی تون ترکمانستان نا سفیر نا اوڑدہی، تین پہ تینی است خواہی نا امور آ گپ وتران کننگا

اسلام آباد۔ 08 فروری (اے پی پی) اسپیکر قومی اسمبلی راجہ پرویز اشرف تون ترکمانستان نا سفیر عطاجان مولاموف چارشنبےنادے آ اوڑدہی کرے ہراٹی ہڑتوم آ کنڈآتا تعلقداری تون اوار تین پہ تینی است خواہی نا ایلو امور تیا گپ وتران کننگا۔ اسپیکر داوخت آ تینا گپ وتران اٹی پارے کہ پاکستان ، ترکمانستان تون دوستانہ تعلقداری تے بھاز اہمیت ایتک، ترکمانستان ڈیہہ نا اہم ءُ ملک اسے۔ اوپارے کہ پاکستان ترکمانستان تون پارلیمانی و اقتصادی بشخ آتیٹی کمکاری ءِ مون آ درسا ہڑتوم آ کنڈآتا تعلقداری تے پین سوگو کننگ خواہک۔ اوپارے کہ ہڑتوم آ کنڈآتا پارلیمانی کمکاری نا مون آ دننگ آن ہڑتوم آ ملک آتا پارلیمنٹ نا باسک آتے اسہ ایلونا آزموندہ غاتیان فائدہ ہرفنگ نا موقع ملک، ترکمانستان پاکستان تون برادرانہ و دوستانہ تعلقداری تے قدر انا نظر اٹ ہرک۔ اسپیکر پارے کہ ترکمانستان و پاکستان نا الس اسہ ایلو تون بھلوتعلقداری اس تخرہ۔ ترکمانستان پاکستان تون ہڑتوم آ کنڈآتا پارلیمانی تعلقداری تے ودفنگ خواہک۔